უკრაინის საგარეო საქმეთა მინისტრი: ჩვენ ომის გარდამტეხ მომენტში ვიმყოფებით და მოსკოვზე ზეწოლა ძლიერდება
უკრაინის საგარეო საქმეთა მინისტრმა, ანდრეი სიბიგამ შვედეთის ქალაქ ჰელსინგბორგში გამართულ უკრაინა-ნატოს საბჭოს არაფორმალურ სხდომაზე განაცხადა, რომ „ომში გარდამტეხი მომენტი“ დგება.
„ჩვენ ომის გარდამტეხ მომენტში ვიმყოფებით და მოსკოვზე ზეწოლა ძლიერდება. უკრაინა თავდაცვას ინარჩუნებს, რუსეთის ადამიანური რესურსი კი აღარ წარმოადგენს გადამწყვეტ უპირატესობას“, - განაცხადა უკრაინელმა მინისტრმა.
„მოკავშირეებს მივაწოდე ინფორმაცია ბელარუსის მხრიდან მზარდი საფრთხის შესახებ და მოვუწოდე შესაბამისი ზომების მიღებისკენ, რათა შევაკავოთ და თავიდან ავიცილოთ მოსკოვისა და მინსკის მხრიდან აგრესიის გაფართოება“, - დაწერა სიბიგამ პლატფორმა X-ზე.
„მშვიდობის მისაღწევად სამ ძირითად ელემენტზე უნდა გავაკეთოთ ფოკუსირება: დიპლომატია, ზეწოლა და ძალა. ჩვენ გვჭირდება ახალი იმპულსი მშვიდობისთვის ბრძოლაში“, - დასძინა უკრაინის საგარეო საქმეთა მინისტრმა.
იმედი
წყარო: imedinews.ge