უკრაინული მედია: უნგრეთი აგრძელებს უკრაინისთვის ევროკავშირში გაწევრიანების შესახებ მოლაპარაკებების დარჩენილი კლასტერების გახსნის დაბლოკვას

უნგრეთი აგრძელებს უკრაინისა და მოლდოვისთვის 2-6 კლასტერების სკრინინგის შედეგების დამტკიცების დაბლოკვას ევროკავშირის საბჭოს გაფართოების სამუშაო ჯგუფის (COELA) ფარგლებში. ინფორმაციას ამის შესახებ უკრაინული გამოცემა „ევროპეისკა პრავდა“ ევროკავშირში არსებულ საკუთარ წყაროზე დაყრდნობით ავრცელებს.

უნგრეთი არ ეთანხმება უკრაინისა და მოლდოვისთვის მოლაპარაკებების დარჩენილი კლასტერების დაჩქარებულად გახსნას.

„დღეს დილით, COELA-ს სამუშაო ჯგუფის სხდომაზე, უნგრეთმა კვლავ გაიმეორა თავისი გაფრთხილებები უკრაინისთვის მოლაპარაკებების დარჩენილი კლასტერების გახსნის ნაადრევი ხასიათის შესახებ“, - განუცხადა „ევროპეისკა პრავდას“ თანამოსაუბრემ.

მან დააკონკრეტა, რომ ეს ნიშნავს, რომ სამუშაო ჯგუფს უკრაინისთვის 2-6 კლასტერების სკრინინგის შედეგები არ დაუმტკიცებია და, შესაბამისად, შეუძლებელი გახადა შემდეგი ნაბიჯი - უკრაინისთვის წერილის გაგზავნა მოწვევასთან დაკავშირებით, რათა მას წარედგინა საპასუხო პოზიცია თითოეულ კლასტერზე, რაც მათი გახსნის განხილვის დაწყების საფუძველი იქნებოდა.

ანალოგიური პროცედურები დაბლოკილია მოლდოვისთვისაც.