ვახტანგ ლომჯარია: დღეს იხსნება თბილისის მდგრადი განვითარების რეგიონული ფორუმი, რომელსაც ეწვევიან სტუმრები 20-მდე ქვეყნიდან, ჯამში ველოდებით 1000-მდე სტუმარს, რომლებიც იმსჯელებენ მდგრადი განვითარების საკითხებზე

დღეს თბილისის მდგრადი განვითარების მეთექვსმეტე რეგიონული ფორუმი გაიხსნება. ორი დღის განმავლობაში განიხილავენ როგორც გეოპოლიტიკურ გამოწვევებს, ისე ეკონომიკურ საკითხებს. თბილისში იმყოფებიან სხვადასხვა ქვეყნის დელეგაციები.

„იხსნება თბილისის მდგრადი განვითარების რეგიონული ფორუმი, რომელსაც ეწვევიან სტუმრები 20-მდე ქვეყნიდან, ჯამში ველოდებით 1000-მდე სტუმარს, რომლებიც იმსჯელებენ მდგრადი განვითარების საკითხებზე, განსაკუთრებით მთავარი თემა იქნება სოციალურ-ეკონომიკური კეთილდღეობა, რაც ძალიან მნიშვნელოვანია საქართველოში ბოლო წლებში მაღალი ეკონომიკური ზრდისა და სიღარიბის შემცირების კვალობაზე”, - განაცხადა თბილისის მერიის ეკონომიკური განვითარების საქალაქო სამსახურის უფროსმა ვახტანგ ლომჯარიამ.