ვატო შაქარიშვილი ევროკავშირში გაწევრიანებაზე: ერთი იმპერიისგან გავთავისუფლდით და ახალი უღლის დადგმა ეროვნულ მიზნად ვაქციეთ - ეს მოცემულობა უნდა შეიცვალოს
“საბჭოთა კავშირი კუბში - ევროკავშირი დემოკრატიას კლავს როგორც წევრ ქვეყნებში, ასევე ცდილობს ბოლო მოუღოს დისკუსიის შესაძლებლობას ევროკავშირში გადაწყვეტილების მიღების პროცესში. მას შემდეგ, რაც უნგრეთმა თვეების განმავლობაში მოახდინა უკრაინისთვის 90 მილიარდიანი სესხის გაცემის ბლოკირება, ფონ დერ ლაიენი ღიად ალაპარაკდა გადაწყვეტილების მიღების წესში ცვლილებების აუცილებლობაზე”, - წერს “ერთიანი ნეიტრალური საქართველოს” აღმასრულებელი მდივანი ვატო შაქარიშვილი.
შაქარიშვილი ევროკავშირზე წერს, რომ ისეთ გაერთიანებაში გვეპატიჟება ხელისუფლება, სადაც უბრალო ხმის უფლებაც კი არ ექნება საქართველოს ჰიპოთეზურად გაწევრიანების შემთხვევაში.
„დიფ სთეითის“ მორჩილი ბიუროკრატები დაიღალნენ კონსენსუსის ძიებით სხვადასხვა საკითხებზე და სურთ, რომ მათი პატრონების დავალებების აღსრულების პროცესი გაამარტივონ და გადაწყვეტილებები კვალიფიციური უმრავლესობის წესით მიიღონ. ამავდროულად თავს იზღვევენ მომავალში ნებისმიერი „შეფერხებისგან.“ საფრანგეთმა, გერმანიამ, ნიდერლანდებმა, ბელგიამ და ლუქსემბურგმა დააინიცირეს წინადადება, რომელიც ევროკავშირის ახალი წევრებისთვის ბიუჯეტის, უსაფრთხოებისა და საგარეო პოლიტიკის გადაწყვეტილებებზე ხმის მიცემის უფლების ჩამორთმევას მოითხოვს.
უნგრეთს მიაღებინეს მიგრანტების შესახებ დამღუპველი გადაწყვეტილება, რუმინეთში არჩევნები გააუქმეს და სასურველი ხელისუფლება შეინარჩუნეს, მემარჯვენე კონსერვატიულ ძალებს ყველანაირი, მათ შორის უკანონო მეთოდებით არ აკარებენ სახელისუფლებო კოალიციებს და ასე „დემოკრატიულად“ მართავენ ევროკავშირს...
ასეთ გაერთიანებაში ჯიუტად გვეპატიჟება ხელისუფლება, სადაც უბრალო ხმის უფლებაც კი არ ექნება საქართველოს ჰიპოთეზურად გაწევრიანების შემთხვევაში. რაც იმას ნიშნავს, რომ ბრიუსელის ნებისმიერ ახირებას, ავტომატურად უნდა ავყვეთ, თუნდაც ამან ჩვენი ქვეყნის განადგურება გამოიწვიოს.
ერთი იმპერიისგან გავთავისუფლდით და ახალი უღლის დადგმა ეროვნულ მიზნად ვაქციეთ - ეს მოცემულობა უნდა შეიცვალოს!”, - წერს შაქარიშვილი.
იმედი
წყარო: imedinews.ge