ვენეციის კომისიის და ევროსაბჭოს საპარლამენტო ასამბლეის ერთობლივი დებატი. საქართველოს ცენტრალური საარჩევნო კომისიის წარმომადგენლები პარიზში იმყოფებიან. „ქრონიკა“ საფრანგეთიდან

სანდო და ინკლუზიური საარჩევნო პროცესი, სტანდარტები და დამკვირვებელთა როლი, ეს არის პარიზში მიმდინარე ერთობლივი დებატის მთავარი თემა. დისკუსიაში ევროსაბჭოს საპარლამენტო ასამბლეისა და ვენეციის კომისიის წარმომადგენლები მონაწილეობენ.

პარიზში იმყოფებიან საქართველოს ცესკოს წარმომადგენლებიც. გამომსვლელთა ნაწილის რიტორიკაში, ტრადიციული კრიტიკა ისმოდა, არგუმენტები ისევ არა. ამ შემთხვევაშიც პრობლემად საქართველოში მიღებული კანონები დასახელდა.

„ეს პლატფორმა არის შესაძლებლობა, რომ მთავარი ინსტიტუტიდან მიიღონ გადამოწმებული და ობიექტური ინფორმაცია მათ შორის, იმ გამოწვევებთან დაკავშირებით, რომლებიც ეხება დაკვირვებას. ასევე ვისაუბრებთ იმ საერთაშორისო სტანდარტების არსებობაზე, რომლებიც რიგ შემთხვევებში ადგილობრივი დამკვირვებლების მხრიდან ვერ ვხედავთ და სამწუხაროდ, იკითხება პოლიტიკურად მიკერძოების ნიშნები. ასევე ვისაუბრებთ იმაზე, რომ როდესაც მოთხოვნა არის იმაზე, რომ ქვეყანაში იყოს ადგილობრივი და საერთაშორისო დამკვირვებელი ორგანიზაციები წარმოდგენილები, მოხდეს ამ საერთაშორისო ორგანიზაციების, მაგალითად, ეუთო/ოდირის მიგნებების და შეფასებების აღიარება“, - განაცხადა ცესკოს თავმჯდომარემ გიორგი კალანდარიშვილმა.

დეტალები ანუკი ჩხიკვაძის სიუჟეტში.