ვეტერანი ბადრი ტოგონიძე: მე ბარამიძე საბრძოლო მოქმედების დროს არსად მინახავს, თვალიც არ მომიკრავს

მე ბარამიძე საბრძოლო მოქმედების დროს არსად მინახავს, თვალიც არ მომიკრავს,- განაცხადა ვეტერანმა ბადრი ტოგონიძემ გიორგი ბარამიძის მიერ გაკეთებულ განცხადებებთან დაკავშირებით.

მისი თქმით, ბარამიძე იმავეს იმეორებს, რასაც რუსეთი ამბობს და მათ საქმეს აკეთებს.

„ომში ეგ მე არ მინახავს. ერთხელ თუ ორჯერ ვნახე სოხუმში, მოსული იყო დისლოკაციის ადგილზე. მე ბარამიძე საბრძოლო მოქმედების დროს არსად მინახავს, თვალიც არ მომიკრავს. მე პირადად ხელი არასოდეს დამირტყამს [მოწინააღმდეგისთვის]. იმათ უსმენს, რასაც ისინი დაგვაბრალებენ, ეს იმეორებს. იმათ საქმეს აკეთებს“, - განაცხადა ბადრი ტოგონიძემ.

გიორგი ბარამიძემ, რომელმაც თქვა, რომ აფხაზეთის ომის დროს ქართველები ტყვეებს ხვრეტდნენ, მწვავე გამოხმაურებების შემდეგ, განმარტება გააკეთა. თუმცა, პოლიტიკოსი ვიდეო მიმართვაში იგივე შინაარსის განცხადებას აკეთებს. ბარამიძის თქმით, მომხდარი არა ქართული ჯარის დანაშაული, არამედ ომის დროს ბუნებრივი მოვლენაა, როცა გამწარებული ხალხი ტყვეებს არ ინდობს.