Washington Post: უკრაინისთვის რკინის გუმბათის სისტემის გადაცემა ბენიამინ ნეთანიაჰუმ დაბლოკა
იმედი|imedinews.ge
Washington Post-ის ცნობით, უკრაინისთვის რკინის გუმბათის სისტემის გადაცემა ბენიამინ ნეთანიაჰუმ დაბლოკა. საქმე ეხება შეერთებული შტატების არმიის კუთვნილებაში არსებულ, ჰაერსაწინააღმდეგო სისტემის ორ ბატარეას, რომლის კიევისთვის გადაცემის ინიციატორი რესპუბლიკელი სენატორი ლინდსი გრემი იყო.
გამოცემა წყაროებზე დაყრდნობით წერს, რომ ინიციატივაზე ვეტოს დადება ისრაელის პრემიერმა ტექნოლოგიის ირანის ხელში მოხვედრის რისკით განმარტა. გამოცემა ასევე აღნიშნავს, რომ სისტემა ამერიკული ფულით არის შეძენილი, თუმცა ის შტატებთან ერთად ისრაელის მიერაა შემუშავებული, რის გამოც ვაშინგტონს გადაცემის შესახებ გადაწყვეტილების მიღება ისრაელის თანხმობის გარეშე არ შეუძლია.
გაზიარება:
იმედი
წყარო: imedinews.ge