WSJ: ჩინეთმა რუსეთთან გიგანტური გაზსადენის, „ციმბირის ძალა 2-ის“ მშენებლობის თაობაზე ყველა მოლაპარაკება განუსაზღვრელი ვადით შეაჩერა

გამოცემა The Wall Street Journal-ის თანახმად, ჩინეთმა რუსეთთან გიგანტური გაზსადენის, „ციმბირის ძალა 2-ის“ მშენებლობის თაობაზე ყველა მოლაპარაკება განუსაზღვრელი ვადით შეაჩერა.

„გაზსადენი იმისთვის იყო გათვლილი, რომ ევროპისთვის განკუთვნილი ასობით მილიარდი კუბური მეტრი ბუნებრივი აირი, ჩინურ ბაზარზე გადამისამართებულიყო, რათა პეკინის სახით მოსკოვს, დაკარგული შემოსავლების ჩასანაცვლებლად მთავარი ეკონომიკური საყრდენი მოეპოვებინა. ამ მრავალმილიარდიანი პროექტის განუსაზღვრელი ვადით შეჩერებით პეკინმა აჩვენა, რომ უარს ამბობს პუტინის პირობებით გადაარჩინოს რუსეთის კოლაფსის პირას მყოფი ენერგეტიკული ეკონომიკა“, - ნათქვამია პუბლიკაციაში.