ზელენსკი: მიმდინარე კვირის დასაწყისიდან ბელარუსში არსებულმა რეტრანსლატორებმა, რომლებსაც რუსეთი უკრაინის წინააღმდეგ დრონებით იერიშებისთვის იყენებდა, ფუნქციონირება შეწყვიტეს

მიმდინარე კვირის დასაწყისიდან ბელარუსში არსებულმა რეტრანსლატორებმა, რომლებსაც რუსეთი უკრაინის წინააღმდეგ დრონებით იერიშებისთვის იყენებდა, ფუნქციონირება შეწყვიტეს, - განაცხადა უკრაინის პრეზიდენტმა, ვოლოდიმირ ზელენსკიმ.

„არსებული ინფორმაციით, რაც ასევე მომახსენა მთავარსარდალმა [ოლექსანდრ სირსკიმ] და დაზვერვამ, შესაბამისი რეტრანსლატორები ბელარუსის ტერიტორიაზე 22 ივნისის შემდეგ აღარ ფუნქციონირებს“, - განაცხადა სახელმწიფოს მეთაურმა.

პრეზიდენტმა დასძინა, რომ არ იცის, დემონტაჟებულია თუ არა აღნიშნული გადამცემები. თუმცა, უკრაინა „ამაზე მუშაობს“ და ის ყურადღებით აკვირდება სიტუაციას და ყოველდღიურ ანგარიშებს იღებს.

„ფაქტი ისაა, რომ რეტრანსლატორები დღეს არ ფუნქციონირებს“, - ხაზგასმით აღნიშნა ზელენსკიმ.