ზელენსკის განცხადებით, უკრაინამ დრონებით პეტერბურგში მდებარე სამხედრო-საზღვაო ძალების არსენალი, ბაზა კრონშტადტში და კრასნოდარის მხარეში ნავთობის ბაზა დაბომბა
იმედი|imedinews.ge
უკრაინის პრეზიდენტმა ვოლოდიმირ ზელენსკიმ „ტელეგრამის“ საკუთარ არხზე დაწერა, რომ გასულ ღამეს უკრაინის შეიარაღებულმა ძალებმა რუსეთში, პეტერბურგთან ახლოს მდებარე სამხედრო-საზღვაო ძალების არსენალი და ქალაქ კრონშტადტის ბაზა დაბომბეს.
როგორც ზელენსკი წერს, უკრაინულმა დრონებმა აგრეთვე დაბომბეს კრასნოდარის მხარეში განლაგებული ნავთობის ბაზა.
„რუსეთმა უნდა დაასრულოს ომი და შეაჩეროს თავდასხმები ადამიანებზე. უკრაინის მიმართ გამოჩენილი ნებისმიერი უსამართლობა სამართლიან პასუხს მიიღებს. მადლობა ჩვენს მეომრებს სიზუსტისთვის“, - დაწერა ზელენსკიმ.
გაზიარება:
იმედი
წყარო: imedinews.ge