ზელენსკის იმედი აქვს, რომ რუსეთთან მოლაპარაკებები უახლოეს მომავალში აღდგება

უკრაინის პრეზიდენტმა ვოლოდიმირ ზელენსკიმ განაცხადა, რომ მის გუნდს „კარგი კონტაქტები“ ჰქონდა ამერიკულ მხარესთან, რის საფუძველზეც ის იმედოვნებს, რომ რუსეთთან სამშვიდობო მოლაპარაკებები, მათ შორის ევროპელების შესაძლო მონაწილეობით, მალე აღდგება.

„ჩვენს გუნდს კარგი კონტაქტები ჰქონდა ამერიკულ მხარესთან. საკითხები ეხებოდა უსაფრთხოების სფეროში ჩვენს თანამშრომლობას და რუსებთან დაკავშირებულ დიპლომატიას. თუ შევძლებთ უახლოეს დღეებში დავუბრუნდეთ სამმხრივ დიალოგს და ამაში ევროპელების ჩართვას, ეს სწორი შედეგი იქნება“, - განაცხადა ზელენსკიმ.

მან აგრეთვე ხაზი გაუსვა, რომ უკრაინა მზად არის ასეთი შესაბამისი ნაბიჯებისთვის.

„იმედი მაქვს, რომ პარტნიორებიც იქნებიან მზად, ხოლო რუსები არ დაიმალებიან“, - დასძინა ზელენსკიმ.