ზურაბ პატარაძე ბათუმის სახელმწიფო მუსიკალურ ცენტრში გამართულ ჯემალ და ცისანა სეფიაშვილების შემოქმედებით საღამოს დაესწრო
აჭარის მთავრობის თავმჯდომარე ზურაბ პატარაძე მეუღლესთან, სოფიო ბაკურიძესთან ერთად, ბათუმის სახელმწიფო მუსიკალურ ცენტრში ჯემალ და ცისანა სეფიაშვილების შემოქმედებით საღამოს დაესწრო. ინფორმაციას აჭარის მთავრობა ავრცელებს.
საღამოზე ცნობილი კომპოზიტორი გამორჩეული რეპერტუარით წარსდგა და ყველასათვის საყვარელი სიმღერები შვილთან, ცისანა სეფიაშვილთან ერთად შეასრულა.კონცერტის გამორჩეული ნაწილი იყო სიმღერის „ჩემო ლურჯო ბათუმო“ განახლებული ვერსიის პრემიერა.
ჯემალ სეფიაშვილი უკვე 60 წელია, რაც თავისი შემოქმედებით არაერთ თაობას აერთიანებს. მომავალ წელს კომპოზიტორს 80 წელი უსრულდება. მუსიკალური ტურნე ბათუმიდან დაიწყო და ორგანიზატორების განცხადებით, სხვა რეგიონებსა და მუნიციპალიტეტებშიც გაგრძელდება.
ღონისძიების დასრულების შემდეგ ზურაბ პატარაძე ჯემალ სეფიაშვილს გაესაუბრა და მრავალწლიანი მოღვაწეობისთვის მადლობა გადაუხადა.
ღონისძიებას კულტურის სამინისტროს წარმომადგენლები, კომპოზიტორის თაყვანისმცემლები და სხვა მოწვეული სტუმრები ესწრებოდნენ.
იმედი
წყარო: imedinews.ge