აფხაზეთში უპილოტო საფრთხე გამოცხადდა - Netgazeti

დე ფაქტო აფხაზეთის თავდაცვის სამინისტროს განცხადებით, რეგიონში უპილოტო საფრთხეა გამოცხადებული.

უწყების ინფორმაციით, საჰაერო სივრცეს აკონტროლებენ საჰაერო თავდაცვის (ПВО) ძალები და შეიარაღებული ძალების მორიგე დანაყოფები.

მოსახლეობას აფრთხილებენ, რომ უპილოტო საფრენი აპარატის ნამსხვრევების აღმოჩენის შემთხვევაში მათ არ უნდა შეეხონ. ასევე, მოქალაქეებს მოუწოდებენ, არ გადაიღონ ფოტო ან ვიდეო საჰაერო თავდაცვის სისტემების მუშაობის დროს.

ბოლო თვეების განმავლობაში აფხაზეთის დე ფაქტო თავდაცვის სამინისტრომ რამდენჯერმე განაცხადა, რომ აფხაზეთის საჰაერო სივრცეში უპილოტო აპარატების შეღწევის შემთხვევები დაფიქსირდა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.