ტრამპმა ხელი მოაწერა ლინდსი გრემის კანონს რუსეთისა და ირანის წინააღმდეგ - Netgazeti

შშ-ის პრეზიდენტმა დონალდ ტრამპმა ხელი მოაწერა აწ გარდაცვლილი სენატორის, ლინდსი გრემის სახელობის კანონპროექტს, რომელიც წარმომადგენელთა პალატამ ოთხშაბათს დაამტკიცა.

სანქციებისა და ტარიფების შესახებ მასშტაბური კანონპროექტი მიზნად ისახავს უკრაინაში შეჭრის გამო რუსეთზე ეკონომიკური ზეწოლის გაზრდას.

კანონი მიზანში იღებს რუსეთის ენერგეტიკულ და თავდაცვის ინდუსტრიებს, ისევე როგორც ტანკერების “ჩრდილოვან ფლოტს”, რომლებიც თავს არიდებენ არსებულ სანქციებს.

მან წინააღმდეგობა გამოიწვია იმის გამო, რომ ის ასევე აძლევს ტრამპს უფლებამოსილებას, დააწესოს მკაცრი, 100%-მდე ტარიფები ჩინეთზე, ინდოეთსა და სხვა ქვეყნებზე, რათა შეამციროს მათი დამოკიდებულება რუსულ ნავთობსა და გაზზე, ასევე გააფართოოს სანქციები ირანზე.

უკრაინის პრეზიდენტმა ვოლოდიმირ ზელენსკიმ მადლობა გადაუხადა აშშ-ის პრეზიდენტს და ყველას, ვინც კანონპროექტის მიღებას ხელი შეუწყო.

„ლინდსის ხსოვნის საუკეთესო პატივისცემა ამ კანონმდებლობის სრული და სწრაფი ამოქმედება იქნება“, — განაცხადა ზელენსკიმ.

კანონპროექტის შესახებ:

კონგრესმა მიიღო ლინდსი გრემის კანონი რუსეთისა და ირანის წინააღმდეგ

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.