"ბოლო 9 თვეში უკრაინულმა დრონებმა აფხაზეთის საჰაერო სივრცე რამდენჯერმე დაარღვიეს" - მოსკოვი - Netgazeti

“ბოლო ცხრა თვის განმავლობაში უკრაინულმა დრონებმა აფხაზეთის საზღვარი რამდენჯერმე დაარღვიეს”, – ამის შესახებ აფხაზეთში რუსეთის უშიშროების ფედერალური სამსახურის სასაზღვრო სამმართველოს ხელმძღვანელმა რუსტამ ლატიპოვმა „Sputnik-ს“ განუცხადა.

მისი თქმით, “უკრაინის შეიარაღებული ძალების მიერ აფხაზეთის მეზობელი სოჭის მიმართულებით თავდასხმების მცდელობის დროს ფსოუს საკონტროლო-გამშვებ პუნქტზე გადაადგილება დროებით ჩერდება”.

ლატიპოვის განმარტებით, ფსოუს გამშვები პუნქტი სადღეღამისო რეჟიმში მუშაობს, თუმცა მსგავსი შემთხვევების დროს სასაზღვრო სამსახური და სამართალდამცავი ორგანოები მოქალაქეთა უსაფრთხოების უზრუნველსაყოფად ზომებს იღებენ.

მისივე განცხადებით, მუშაობა მიმდინარეობს კრიტიკული ინფრასტრუქტურის, მათ შორის რკინიგზისა და სოხუმის აეროპორტის უსაფრთხოების უზრუნველსაყოფად. ლატიპოვის თქმით, აეროპორტში მგზავრთნაკადი იზრდება.

ამასთან, მან აღნიშნა, რომ 3 ნოემბრის ღამემ მშვიდად, ინციდენტების გარეშე ჩაიარა.

აფხაზეთის დე ფაქტო ხელისუფლების წარმომადგენლის განცხადებით, შესაბამისი სამსახურები ასევე ზრუნავენ კრიტიკული ინფრასტრუქტურის დაცვაზე, მათ შორის, რკინიგზისა და სოხუმის აეროპორტის, სადაც მგზავრთნაკადი იზრდება.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.