შვეიცარიის საგარეო საქმეთა მინისტრი და ეუთოს მოქმედი თავმჯდომარე იგნაციო კასისი ოფიციალური ვიზიტით საქართველოს 16 ოქტომბერს ეწვევა და მაღალი დონის შეხვედრებს გამართავს.
ვიზიტის ფარგლებში მხარეები რეგიონული უსაფრთხოებისა და ჟენევის საერთაშორისო მოლაპარაკებების დღის წესრიგს განიხილავენ.
"შვეიცარიის საგარეო საქმეთა მინისტრი და ეუთოს მოქმედი თავმჯდომარე, იგნაციო კასისი საქართველოს 16 ოქტომბერს ეწვევა.
ბატონი კასისი შეხვდება საქართველოს პრემიერ-მინისტრ ირაკლი კობახიძესა და საგარეო საქმეთა მინისტრს, მაკა ბოჭორიშვილს.
გაეროსა და ევროკავშირთან ერთად, ეუთო ჟენევის საერთაშორისო მოლაპარაკებების თანათავმჯდომარეა. მოლაპარაკებების მიზანია რეგიონში უსაფრთხოებისა და ჰუმანიტარულ საკითხებზე დიალოგის ხელშეწყობა," - აღნიშნულია საქართველოში შვეიცარიის საელჩოს მიერ გავრცელებულ განცხადებაში.
ლუკა ჩლაიძე
რუსთავი 2
წყარო: rustavi2.ge