კულტურული მემკვიდრეობის დაცვის ეროვნული სააგენტო თბილისში წმინდა ნინოს ეკლესიის რეაბილიტაციას გეგმავს
კულტურული მემკვიდრეობის დაცვის ეროვნული სააგენტო თბილისში წმინდა ნინოს ეკლესიის რეაბილიტაციას გეგმავს. სააგენტომ უკვე ჩაატარა ობიექტზე საპროექტო და კვლევითი სამუშაოები.
მომზადებული პროექტი ეკლესიის არსებული მდგომარეობის სრულყოფილ შესწავლას და გამოვლენილი დაზიანებების საფუძველზე შესაბამისი საკონსერვაციო-სარეაბილიტაციო ღონისძიებების განსაზღვრას ითვალისწინებს.
როგორც კულტურული მემკვიდრეობის დაცვის ეროვნული სააგენტოს გენერალური დირექტორის მოადგილე თამარ ყურაშვილი აღნიშნავს, კულტურული მემკვიდრეობის დაცვის ეროვნული სააგენტო სრულმასშტაბიან სარეაბილიტაციო სამუშაოებს ახორციელებს, რომლის ფარგლებშიც ყველა ხარვეზი და კონსტრუქციული პრობლემა აღმოიფხვრება.
"საქართველოს კულტურული მემკვიდრეობის დაცვის ეროვნულმა სააგენტომ, მიმდინარე წელს შეისყიდა საპროექტო-სახარჯთაღრიცხვო დოკუმენტაციის მომსახურება, რომლის ფარგლებში განხორციელდება ტაძრის დეტალური კვლევა და კვლევის შედეგებზე დაყრდნობით უკვე შემუშავებული იქნება სრულმასშტაბიანი სარეაბილიტაციო სამუშაოები, რომლის ფარგლებშიც აღმოიფხვრება ყველა ხარვეზი, რაც აღენიშნება ძეგლს, აღმოიფხვრება წყლის ინფილტრაციის პრობლემა და გაუმჯობესდება ძეგლის კონსტრუქციული მდგრადობა." - აცხადებს თამარ ყურაშვილი.
რუსთავი 2
წყარო: rustavi2.ge