2025 წელს ბიზნესსექტორში დასაქმებულთა რაოდენობა 900 ათასამდე გაიზარდა - მათი 60% SME-ზე მოდის

საქსტატის თანახმად, 2025 წელს ბიზნესსექტორში დასაქმებულთა საშუალო რაოდენობამ 899.0 ათასი ადამიანი შეადგინა, რაც წინა წლის მაჩვენებელთან შედარებით 3.8%-ით, 32.8 ათასი ადამიანით მეტია. აქედან უშუალოდ დაქირავებით დასაქმებულთა რიცხოვნობა 827.2 ათას კაცს გაუტოლდა (+3.2% წლიურად).

საწარმოთა საქმიანობის შედეგების ანგარიშში აღნიშნულია, რომ კომპანიების მიერ პერსონალზე გაწეული ხარჯები ორნიშნა ტემპით გაიზარდა: საწარმოთა მთლიანმა დანახარჯებმა პერსონალზე 22.3 მილიარდი ლარი შეადგინა, რაც 2024 წელთან შედარებით 12.2%-იანი მატებაა.

სტატისტიკის მიხედვით, გასულ წელს ბიზნესსექტორში დაქირავებით დასაქმებულთა საშუალო თვიური ხელფასი 2 198.4 ლარამდე გაიზარდა, რაც 2024 წელთან შედარებით 173.9 ლარით მეტია.

სად იხდიან ყველაზე მაღალ ხელფასს?

ოფიციალური სტატისტიკით, ყველაზე მაღალი საშუალო ანაზღაურება არა მსხვილ, არამედ საშუალო ზომის საწარმოებში ფიქსირდება:

• საშუალო ბიზნესი - 2 755.6 ლარი; • მსხვილი ბიზნესი - 2 497.3 ლარი; • მცირე ბიზნესი - 1 507.4 ლარი.

მიუხედავად იმისა, რომ მსხვილი ბიზნესი ფინანსურ ბრუნვაში დომინირებს, სამუშაო ადგილების შექმნის კუთხით მთავარი ძალა მცირე და საშუალო საწარმოებია (SME), რომლებზეც სამუშაო ადგილების 60.6% მოდის:

• მცირე ბიზნესი - 40.9%; • მსხვილი ბიზნესი - 39.4%; • საშუალო ბიზნესი - 19.7%.

დარგების მიხედვით დასაქმებაში ვაჭრობის სექტორი ლიდერობს

ბიზნესსექტორში ყოველი მესამე დასაქმებული სავაჭრო საქმიანობაშია ჩართული. დარგობრივი გადანაწილება 2025 წელს ასე ჩამოყალიბდა:

• საბითუმო და საცალო ვაჭრობა; ავტომობილებისა და მოტოციკლების რემონტი - 29.5%; • დამამუშავებელი მრეწველობა - 11.0%; • ჯანდაცვა და სოციალური მომსახურება - 9.1%; • ტრანსპორტი და დასაწყობება - 8.6%; • მშენებლობა - 7.8%; • ინფორმაცია და კომუნიკაცია (IT/ტელეკომი) - 6.0%; • განთავსებისა და საკვების მიწოდება (HoReCa) - 5.4%; • სხვა დარგები - 22.6%. • რეგიონული კონცენტრაცია: თბილისზე სამუშაო ადგილების 62%-ზე მეტი მოდის

ყველაზე მეტი ადამიანი თბილისშია დასაქმებული

საქართველოს ბიზნესსექტორში სამუშაო ადგილების გეოგრაფიული განაწილებაც არათანაბარია. დასაქმებულთა თითქმის ორი მესამედი დედაქალაქშია კონცენტრირებული:

ბიზნეს სექტორში დასაქმებულთა გადანაწილება რეგიონების მიხედვით (2025 წელი)

რეგიონი წილი (%) ქ. თბილისი 62.1% აჭარის ა.რ. 10.1% იმერეთი 7.1% ქვემო ქართლი 5.7% სამეგრელო-ზემო სვანეთი 3.6% კახეთი 3.1% შიდა ქართლი 2.9% მცხეთა-მთიანეთი 1.9% სამცხე-ჯავახეთი 1.8% გურია 1.2% რაჭა-ლეჩხუმი და ქვემო სვანეთი 0.4%