2026 წელს ტურიზმის შემოსავლები 4.9 მილიარდ დოლარს მიაღწევს - Galt & Taggart

Galt & Taggart-ის განახლებული შეფასებით, 2026 წელს საქართველოს ტურიზმის შემოსავალი რეკორდულ 4.9 მილიარდ დოლარს მიაღწევს, რაც 2025 წელთან შედარებით 210 მილიონი დოლარით, ანუ 4.5%-ით მეტი იქნება.

"ტურიზმის შემოსავლები: ჩვენი შეფასებით, 2026 წლის ივნისში ტურიზმიდან მიღებული შემოსავლები წლიურად 6.3%-ით გაიზარდა 485 მლნ აშშ დოლარამდე. ჯამურად, 2026 წლის პირველ ნახევარში ტურიზმის შემოსავლები 2.0 მლრდ აშშ დოლარს გაუტოლდა (-0.2% წ/წ). ჩვენი პროგნოზით, ტურიზმიდან მიღებული შემოსავლები 4.9 მლრდ აშშ დოლარს მიაღწევს 2026 წელს, ხოლო 5.3 მლრდ აშშ დოლარს 2027 წელს,"- აღნიშნულია Galt & Taggart-ის ეკონომიკურ მიმოხილვაში.

ჯერჯერობით საქართველოს ეროვნულ ბანკს გამოქვეყნებული აქვს მხოლოდ 2026 წლის პირველი კვარტალის ტურიზმის შემოსავლების შესახებ სტატისტიკური ინფორმაცია რაც 829 მილიონ დოლარს შეადგენდა (წლიური ზრდა 0.5%). ასევე ჯერჯერობით მხოლოდ ცნობილია 2026 წლის პირველი კვარტალის ვიზიტორთა სტატისტიკა, რაც 1,170,362 საერთაშორისო ვიზიტორს შეადგენდა. ეს რაოდენობა წინა წლის ანალოგიურ პერიოდთან შედარებით 0.2%-ით ნაკლებია.

ტურიზმის ეროვნული ადმინისტრაცია ვიზიტორთა მეორე კვარტალის სტატისტიკას უახლოეს პერიოდში გამოაქვეყნებს.