2026 წლის 9 თვეში საქართველოში რეკორდული 158 მილიონი დოლარის მზის პანელები შემოვიდა
2026 წლის 9 თვეში საქართველოში რეკორდული მოცულობის - 158 მილიონი დოლარის ღირებულების მზის პანელები შემოვიდა. ეს წინა წლის ანალოგიურ პერიოდთან შედარებით 139 მილიონი დოლარით, ანუ 8.2-ჯერ მეტია.
მზის პანელების იმპორტის მკვეთრი ზრდა დაკავშირებულია ქვეყანაში რამდენიმე მსხვილმასშტაბიანი მზის ელექტროსადგურის მშენებლობის პროცესთან, მათ შორის უმსხვილესია მარნეულში, გერმანული კომპანია "ვოლტარეს ენერჯის" ინვესტიციით მშენებარე 73-მეგავატიანი მზის სადგური, რომელიც განვითარების აქტიურ ეტაპზეა.
ასევე განხორციელების ეტაპზეა მზის პანელების მწარმოებელი ჩინური კორპორაციის - Sungrow-ს ქართული შვილობილის, "იტეკ მარნეულის" 105-მეგავატიანი მზის ელექტროსადგურის პროექტიც, რომელიც სოფელ იაღლუჯაში შენდება.
გარდა ამისა ქვეყანაში შენდება სხვა მცირე ზომის მზის ელექტროსადგურები და გაზრდილია მოთხოვნა ფიზიკური პირების მხრიდან საკუთარ სახლებში მზის პანელების დამონტაჟების მიმართულებით.
BM.GE
წყარო: bm.ge