8 თვეში 1.2 მლნ მგზავრი და 3 400 რეისი - ქუთაისის აეროპორტი 14 წლისაა

ქუთაისის საერთაშორისო აეროპორტი 14 წლისაა. აეროპორტების გაერთიანების ინფორმაციით, აეროპორტის დაბადების დღესთან დაკავშირებით, 29 სექტემბერს ქუთაისის აეროპორტში მგზავრებისთვის სხვადასხვა სახის აქტივობები გაიმართება.

"საიუბილეო კვირეულის ფარგლებში, ქუთაისის საერთაშორისო აეროპორტში მოქმედ კომპანიებსა და პარტნიორ ობიექტებს. გზავრებისთვის სპეციალური შეთავაზებები ექნებათ. 29 სექტემბერს კი აეროპორტის დაბადების დღისადმი მიძღვნილი ღონისძიება გაიმართება, სადაც მგზავრებისთვის დაგეგმილია სხვადასხვა გასართობი აქტივობა და სიურპრიზები. ამჟამად ქუთაისის საერთაშორისო აეროპორტიდან 6 ავიაკომპანია 16 ქვეყნის 32 მიმართულებით ოპერირებს, მათგან 25 ევროპული მიმართულებაა. საქართველოდან ევროპაში ყველაზე მეტი პირდაპირი რეისი სწორედ ქუთაისის საერთაშორისო აეროპორტიდან სრულდება", - ნათქვამია აეროპორტების გაერთიანების მიერ გავრცელებულ ინფორმაციაში.

მათივე ცნობით, 2026 წლის იანვარ-აგვისტოში აეროპორტმა 1.22 მილიონზე მეტი მგზავრი და 3 400-მდე რეისი მიიღო.

"ქუთაისის საერთაშორისო აეროპორტი აგრძელებს ინფრასტრუქტურულ განვითარებას. დასასრულს უახლოვდება ახალი, 3.5 კილომეტრიანი ასაფრენ-დასაფრენი ზოლისა და მასთან დაკავშირებული სააეროდრომო ინფრასტრუქტურის მშენებლობა. პროექტის დასრულების შემდეგ აეროპორტი დიდი ზომის სამგზავრო და სატვირთო საჰაერო ხომალდების მიღებას შეძლებს, რაც შორ მანძილზე საჰაერო კავშირების გაფართოების შესაძლებლობას შექმნის", - აცხადებენ აეროპორტების გაერთიანებაში.