9 ოქტომბერს თურქმენეთში დსთ-ს სამიტი გაიმართება - რას საკითხებს განიხილავენ მხარეები?
თურქმენეთის ეროვნულ ტურისტულ ზონა „ავაზაში“ 9 ოქტომბერს დსთ-ს წევრი ქვეყნების მორიგი სამიტი გაიმართება, სადაც სახელმწიფოების საპარლამენტო დელეგაციები და ჯანდაცვის მინისტრები საყოველთაო ჯანდაცვის სტრატეგიას განიხილავენ.
როგორც ირკვევა, დისკუსიების მთავარი აქცენტი პირველადი ჯანდაცვის განვითარებაზე, მედიკამენტებით მდგრად უზრუნველყოფასა და ეროვნული სისტემების გაძლიერების მექანიზმებზე გაკეთდება. მხარეები საზოგადოებრივი ჯანმრთელობის ინტერესების გათვალისწინებით საგადასახადო პოლიტიკის საკანონმდებლო რეგულირების საკითხებზეც იმსჯელებენ. შეხვედრის მონაწილეები სახელმწიფოთაშორისი კოორდინაციის გაღრმავების შესაძლებლობებსა და გაეროს მდგრადი განვითარების მიზნების შესრულების გზებსაც შეაფასებენ.
Arzuw.news-ის ინფორმაციით, მოლაპარაკებებში სამართლისა და საზოგადოებრივი ჯანდაცვის საერთაშორისო ექსპერტები, ასევე WHO-სა და CIS-ის აღმასრულებელი სტრუქტურების წარმომადგენლები ჩაერთვებიან. დიმიტრი კობიცკის განცხადებით, ეს დიალოგი მიზნად ჯანდაცვის პოლიტიკის გლობალურ დონეზე შეთანხმებასა და საერთო მიდგომების შემუშავებას ისახავს.
ცნობისთვის, საერთაშორისო კონფერენცია თურქმენეთის მეჯლისის, CIS-ის საპარლამენტთაშორისო ასამბლეისა და WHO-ს ევროპის რეგიონული ბიუროს ორგანიზებით ჩატარდება.
BM.GE
წყარო: bm.ge