მთავარი
BM.GEწყარო
  1. მთავარი
  2. BM.GE
  3. ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება
ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება

ახლად შექმნილი გასტრონომიის სააგენტოს ბიუჯეტი მომავალ წელს ₾5.74 მილიონი იქნება

BM.GE8 ოქტომბერი, 2026, 13:00|bm.ge

2027 წლის სახელმწიფო ბიუჯეტის პროექტის პირველადი ვერსიის მიხედვით, გარემოს დაცვისა და სოფლის მეურნეობის სამინისტროს სისტემაში ახლად შექმნილი გასტრონომიის ეროვნული სააგენტოს ბიუჯეტი 5 მილიონ 740 ათასი ლარით (5.74 მლნ ლარი) განისაზღვრა.

მომავალი წლის მთავარი ფინანსური დოკუმენტიდან ირკვევა, რომ ახალ უწყებას 65 თანამშრომელი ეყოლება. მათი შრომის ანაზღაურებისთვის (ხელფასებისთვის) მთელი წლის განმავლობაში ჯამში 3 მილიონი ლარია გათვალისწინებული.

გარდა ამისა, საბიუჯეტო პროექტით განსაზღვრულია, რომ გასტრონომიის სააგენტოს მთლიანი ბიუჯეტიდან 5 მილიონ 20 ათასი ლარი (5.02 მლნ ლარი) უშუალოდ ხარჯვით ნაწილს წარმოადგენს.

2027 წლის ბიუჯეტის პროექტში ჩადებულია ახალი საბიუჯეტო პროგრამა „გასტრონომიის სფეროში სახელმწიფო პოლიტიკის მართვა და კოორდინაცია”.

დოკუმენტის თანახმად, სააგენტოს ძირითადი ფუნქციები იქნება:

• გასტრონომიის სფეროში სახელმწიფო პოლიტიკის ფორმირება და განხორციელება; • სხვადასხვა უწყებებსა და დაინტერესებულ მხარეებს შორის ეფექტიანი კოორდინაციის უზრუნველყოფა; • გასტრონომიული მემკვიდრეობის კვლევა, პოპულარიზაცია და მისი დაცვის სამართლებრივი მექანიზმების სრულყოფა.

bm.ge უწყებას უკვე დაუკავშირდა კითხვებით, რამდენი ადამიანია დასაქმებული ამ დროისთვის სააგენტოში, დანიშნეს თუ არა უკვე მოადგილეები და ასევე, დეპარტამენტის ხელმძღვანელები.

გარემოს დაცვისა და სოფლის მეურნეობის სამინისტროს სისტემაში შექმნილი საჯარო სამართლის იურიდიული პირის ხელმძღვანელად 3 აგვისტოს ლევან ქარუმიძე დაინიშნა.

იქამდე, გარემოს დაცვისა და სოფლის მეურნეობის სამინისტროს დაქვემდებარებაში ახალი სსიპ-ის შექმნის შესახებ ირაკლი კობახიძემ დადგენილება 18 ივნისს გამოსცა, ხოლო სააგენტოს დებულება გარემოს დაცვისა და სოფლის მეურნეობის მინისტრმა 15 ივლისს დაამტკიცა.

დებულების მიხედვით, სააგენტოს თავმჯდომარეს სამი მოადგილე ეყოლება. უწყების სტრუქტურაში 10-მდე დეპარტამენტი და სამსახური შეიქმნება, მათ შორის გასტრონომიული მემკვიდრეობის, განვითარების, პოპულარიზაციისა და პროექტების მართვის დეპარტამენტები, ასევე საერთაშორისო ურთიერთობების, იურიდიული, ადამიანური რესურსებისა და ანალიტიკის სამსახურები.

სააგენტოს უფლებამოსილებებს შორისაა ეროვნული გასტრონომიული მემკვიდრეობის კვლევა, დოკუმენტირება და ციფრული აღრიცხვა, ტრადიციული პროდუქტებისა და ენდემური კულტურების პოპულარიზაცია, ადგილწარმოშობის დასახელებებისა და გეოგრაფიული აღნიშვნების მხარდაჭერა, რეგიონული გასტრონომიული მარშრუტების განვითარება, პროფესიული განათლების ხელშეწყობა და საერთაშორისო დონეზე ქართული გასტრონომიის პოპულარიზაცია.

სააგენტო დაფინანსდება სახელმწიფო ბიუჯეტიდან, მის მიერ გაწეული მომსახურების საფასურიდან და კანონმდებლობით ნებადართული სხვა შემოსავლებიდან.

გაზიარება:

BM.GE

წყარო: bm.ge

ორიგინალი სტატია

თემა: მილიონი

ამ თემას 5 ქართული წყარო აშუქებს — სულ 52 სტატია.

  • კანადა უკრაინას დამატებით სამხედრო დახმარებას 155 მილიონი დოლარის ოდენობით გადასცემსფორმულა
  • „როგორ შეიძლება, 41 მილიონი მოიპარონ და კალაძის ხელი არ ერიოს? შეუძლებელია!“ - თამაზ დათუნაშვილიტვ პირველი
  • მუდმივ რეჟიმში ვთანამშრომლობთ ჩვენს პარტნიორებთან და მათთან ერთად გავწერეთ საერთო რეგიონული აქტივობები იმისთვის, რომ შუა დერეფანმა 2029 წლისთვის შეძლოს დაახლოებით 30 მილიონი ტონა ტვირთის გატარება - მარიამ ქვრივიშვილირუსთავი 2
  • ქართულ მხარესთან 9 თვეში თითქმის მილიონი გადაკვეთა დაფიქსირდა – სოხუმინეტგაზეთი
მილიონი →

მსგავსი სტატიები

გენერაციის შეზღუდვა ინვესტორებისთვის ძალიან მძიმე გზავნილია - გიორგი აბრამიშვილი

გენერაციის შეზღუდვა ინვესტორებისთვის ძალიან მძიმე გზავნილია - გიორგი აბრამიშვილი

BM.GE

რა ბედი ელით მოქალაქეებს, რომლებიც სუროგაციას გეგმავდნენ? - კირცხალიას პასუხი

რა ბედი ელით მოქალაქეებს, რომლებიც სუროგაციას გეგმავდნენ? - კირცხალიას პასუხი

BM.GE

სუროგაციის აკრძალვამ არ უნდა შეზღუდოს საქართველოს მოქალაქეებისთვის ნებაყოფლობითი სუროგაციის შესაძლებლობა - მიქელაძე

სუროგაციის აკრძალვამ არ უნდა შეზღუდოს საქართველოს მოქალაქეებისთვის ნებაყოფლობითი სუროგაციის შესაძლებლობა - მიქელაძე

BM.GE

კირცხალია განმარტავს, რატომ მოუხსნეს დაცვა მამუკა მდინარაძეს

კირცხალია განმარტავს, რატომ მოუხსნეს დაცვა მამუკა მდინარაძეს

BM.GE