აშშ-მა და ირანმა სამშვიდობო შეთანხმებას მიაღწიეს
აშშ-მა და ირანმა ისტორიულ სამშვიდობო შეთანხმებას მიაღწიეს. არსებული ინფორმაციით, მხარეებმა ყველა ფრონტზე, მათ შორის ლიბანში, სამხედრო ოპერაციების დაუყოვნებლივ და მუდმივ შეწყვეტაზე პოზიციების შეჯერება მოახერხეს. აღსანიშნავი ფაქტია, რომ პირველმა ეს ცნობა პაკისტანის პრემიერ-მინისტრმა გაავრცელა, რაც რამდენიმე წუთში აშშ-ის პრეზიდენტმა, დონალდ ტრამპმაც დაადასტურა. თეთრი სახლის ლიდერმა პლატფორმაზე Truth Social ირანთან შეთანხმების სრულად დასრულება გამოაცხადა.
როგორც პაკისტანის ლიდერი წერს, ომში მყოფმა მხარეებმა, სამშვიდობო შეთანხმებაზე ხელმოწერის ადგილად შვეიცარია შეარჩიეს, სადაც ოფიციალური ცერემონია 19 ივნისს შედგება. შეჰბაზ შარიფის ცნობით, აშშ-სა და ირანს შორის შუამავლის როლს მასთან ერთად კატარის, საუდის არაბეთისა და თურქეთის ლიდერებიც იღებდნენ.
აშშ-ირანის შეთანხმების დაანონსების პარალელურად, გავრცელდა ინფორმაცია, რომ დონალდ ტრამპმა ჰორმუზის სრუტის სრულად გახსნისა და აშშ-ის სამხედრო-საზღვაო ბლოკადის დაუყოვნებლივი გაუქმების განკარგულებაც გასცა. თეთრი სახლის ლიდერმა დაწერა, რომ "ხომალდებმა ძრავები უნდა ჩართონ და ნავთობის თავისუფალი ტრანსპორტირება უწინდებურად უნდა დაიწყონ".
BM.GE
წყარო: bm.ge