ბათუმის პორტმა საავიაციო საწვავის ტრანზიტი აღადგინა

2026 წლის ივლისში „ბათუმის ნავთობტერმინალმა“ [ბათუმის პორტი], 8-წლიანი პაუზის შემდეგ, საავიაციო საწვავის ტრანზიტი აღადგინა. ინფორმაციას ყაზახეთის სახელმწიფო კომპანია "ყაზტრანსოილი" ავრცელებს.

მათივე ცნობით, ბათუმის ტერმინალმა დაიწყო ევროპული გადამმუშავებელი ქარხნების მიერ წარმოებული JET A-1 მარკის საავიაციო საწვავის მიღება, რამაც გადამუშავებული ტვირთების ასორტიმენტი გააფართოვა.

"JET A-1 წარმოადგენს სამოქალაქო ავიაციაში მსოფლიო მასშტაბით გამოყენებად ძირითად საწვავს, რომელიც უზრუნველყოფს საჰაერო ხომალდების უსაფრთხო და საიმედო ექსპლუატაციასა და საჰაერო ტრანსპორტის შეუფერხებელ მუშაობას. საავიაციო საწვავის სტაბილურ მიწოდებას სტრატეგიული მნიშვნელობა აქვს ყაზახეთის სატრანსპორტო სექტორისთვის. ამას გარდა, JET A-1-ის ტრანზიტის აღდგენა ზრდის ბათუმის ნავთობტერმინალის ლოგისტიკურ შესაძლებლობებს, ხელს უწყობს სატვირთო გადაზიდვებს „შუა დერეფნის“ გასწვრივ, ზრდის საერთაშორისო მიწოდების ჯაჭვების მდგრადობას და ამყარებს „ყაზტრანსოილის“ ჯგუფის სატრანზიტო პოტენციალს", - წერია კომპანიის განცხადებაში.