ბათუმში, მუნიციპალური ინსპექცია ტროტუარებზე თვითნებურად მოწყობილ სავაჭრო დახლებს იღებს
ბათუმში, მუნიციპალური ინსპექცია ტროტუარებზე თვითნებურად მოწყობილ სავაჭრო დახლებს იღებს. როგორც უწყების მიერ გავრცელებულ ინფორმაციაში წერია, ტურისტულ სეზონთან დაკავშირებით ამ კუთხით ბათუმის მუნიციპალური ინსპექცია ინტენსიურ რეჟიმში მუშაობს.
"ადმინისტრაციული ზედამხედველობის მიერ სანაპირო ზოლის მიმდებარედ, საფეხმავლო ბილიკზე მოქალაქეების მიერ თვითნებურად მოწყობილი სავაჭრო დახლების ალაგება მიმდინარეობს.
საზოგადოებრივი ადგილების თვითნებური შეზღუდვა, ტურისტული ქალაქის იერსახეს ამახინჯებს და მოქალაქეების უსაფრთხო გადაადგილებას უშლის ხელს.
უნებართვო კომერციული საქმიანობა ფიზიკური პირის 500, ხოლო იურიდიული პირის 2 000 ლარის ოდენობით დაჯარიმებას ითვალისწინებს. მუნიციპალური ინსპექციის, ოპერატიული რეაგირების ჯგუფები, გარევაჭრობაზე მონიტორინგს სხვა ცენტრალურ ქუჩებზე ეტაპობრივად უზრუნველყოფს", - წერია ინფორმაციაში.
BM.GE
წყარო: bm.ge