ბირჟაზე გასვლიდან 1 თვეში მასკის SpaceX-ის შეფასებამ 1.2 ტრილიონი დოლარი დაკარგა

საფონდო ბირჟაზე SpaceX-ის დებიუტიდან, ანუ 12 ივნისიდან უკვე თითქმის თვენახევარი გავიდა, რა პერიოდშიც კომპანიის აქციების ღირებულებამ 16 ივნისს პიკურ მაჩვენებელს, 225.64 დოლარს მიაღწია, თუმცა მას შემდეგ რაკეტების, სატელიტური ინტერნეტის და ხელოვნური ინტელექტის მწარმოებელი კომპანიის შეფასება გამუდმებით მცირდება. ბოლო 16 სავაჭრო სესიიდან 13-ის განმავლობაში კომპანიის აქციების ფასი მცირდებოდა. ამჟამად კომპანიის აქციების ფასი 115 დოლარის ფარგლებშია. მთლიანობაში კომპანიის საბაზრო ღირებულება 1 თვეში 1.2 ტრილიონი დოლარით, 1.52 ტრილიონ დოლარამდე შემცირდა. ეს დანაკარგი უფრო მეტია, ვიდრე მთლიანად Tesla-ს საბაზრო კაპიტალიზაცია.

ანალიტიკოსები აღნიშნავენ, რომ კომპანიის კაპიტალიზაციის შემცირებაში მოულოდნელი არაფერია, რადგან მისი ზრდა თავიდანვე სპეკულაციებმა განაპირობა და კომპანიის ფინანსური მაჩვენებლები მსგავსი მაღალი ღირებულების შეფასებისთვის საფუძველს არ ქმნის.

ექსპერტები მოელიან, რომ SpaceX-ი პირველი კვარტალური ანგარიშის წარდგენის ფონზე კოსმოსური კომპანიის შეფასება კიდევ უფრო შემცირდება. არამარტო იმიტომ, რომ შედეგები ვერ დააკმაყოფილებს მოლოდინებს, არამედ იმიტომაც, რომ ინვესტორებისთვის აქციების გაყიდვაზე შეზღუდვები მოიხსნება.

6 აგვისტოს, ფინანსური შედეგების გამოქვეყნებიდან მეორე სავაჭრო დღეს, ინვესტორებს 911.5 მილიონამდე აქციის რეალიზაციის უფლება მიეცემათ. ეს მოცულობა კი კომპანიის ფასიანი ქაღალდების 20%-ს შეადგენს.