ბიზნესები იაფ ჩინურ AI-ზე გადადიან?

აშშ-ში მოქმედი ბიზნესებისთვის ხელოვნური ინტელექტის ინტეგრაცია ბოლო პერიოდში ერთ-ერთ ყველაზე სწრაფად მზარდ ხარჯად იქცა, რის გამოც მზარდი რაოდენობის კომპანიები ამერიკულ მოდელებს შედარებით იაფ ჩინურ ალტერნატივებზე ცვლიან.

მიუხედავად იმისა, რომ OpenAI-ს, Anthropic-ისა და Google-ის ტექნოლოგიები შესაძლებლობებით ჩინურ მოდელებს დაახლოებით 10-ჯერ უსწრებენ, ჩინეთმა ნამდვილი ლიდერობა მოიპოვა ღია კოდის უფასო მოდელების მიმართულებით. ტექნოლოგიური სექტორის წარმომადგენელთა შეფასებით, ბაზარზე ამჟამად ჩინური პროდუქტები დომინირებენ, რადგან ისინი მომხმარებლებს გაცილებით დაბალ ფასად სთავაზობენ საჭირო ფუნქციონალს.

ცხადია, ჩინური ალტერნატივები ყველასთვის მისაღები არ არის; ზოგიერთი კომპანიის ხელმძღვანელის აზრით, მათთვის პროგრამული უზრუნველყოფის სწრაფად შექმნა პრიორიტეტულია, თუმცა ჩინური მოდელების მიერ დაშვებული შეცდომების გამოსწორებაზე დროის კარგვა დაზოგილ თანხად არ ღირს.

ამასთან, არსებობს საფუძვლიანი კითხვები უსაფრთხოებასთან და მონაცემების დაცულობასთან დაკავშირებით, ამიტომ, სავარაუდოდ, S&P 500-ში შემავალი მსხვილი კომპანიები ჩინურ AI-მოდელებს ყოველთვის მოერიდებიან.