ჩაბარებული ყურძნის 99.2% მაღალი ხარისხისაა - რა ფასად იბარებს სახელმწიფოს კომპანია კახეთის მოსავალს

ღვინის ეროვნული სააგენტოს ცნობით, 1 ოქტომბრის მონაცემებით, რეგიონში უკვე გადამუშავებულია 135 000 ტონა ყურძენი, საიდანაც უდიდესი ნაწილი მაღალი ხარისხისაა. მოსავალი ამ ეტაპისთვის 9 800-მა მევენახემ დააბინავა.გთავაზობთ რთველის მიმდინარეობისა და ყურძნის მიღება-ჩაბარების პირობების სრულ მიმოხილვას:

მოსავლის სტატისტიკა და ხარისხი

• სულ გადამუშავებული ყურძენი: 135 000 ტონა. • მაღალი და საშუალო ხარისხის ყურძენი: 133 884 ტონა (საერთო რაოდენობის 99,2%). • მკვახე და უხარისხო ყურძენი: 1 116 ტონა (0,8%). • მოსავლის ჩამბარებელი მევენახეები: 9 800 ფიზიკური პირი. • საპროგნოზო ჯამური მოსავალი: 320 000 ტონამდე.

ჩაბარების ორგანიზება და ლოკაციები

• სახელმწიფო ჩამბარებელი კომპანია: შპს „მოსავლის მართვის კომპანია“. • მიღების წერტილები: ყურძნის ჩაბარება ხორციელდება კახეთის სხვადასხვა მუნიციპალიტეტში, სულ 22 ლოკაციაზე. • სახელმწიფო გარანტია: საქართველოს მთავრობის გადაწყვეტილებით, ჭარბი მოსავლის შემთხვევაში, ყველა მევენახეს ექნება შესაძლებლობა, სრულად დააბინაოს მოწეული ყურძენი.

სახელმწიფო საწარმო ფიზიკური პირებისგან ყურძენს შემდეგი დადგენილი ტარიფებით იბარებს:

1. საფერავი

• 20% და მეტი შაქრიანობა: 1.50 ლარი / 1 კგ • 16%-დან 20%-მდე შაქრიანობა: 1.00 ლარი / 1 კგ • 16%-ზე ნაკლები შაქრიანობა: 0.50 ლარი (50 თეთრი) / 1 კგ

2. რქაწითელი და სხვა საღვინე ჯიშები

• 19% და მეტი შაქრიანობა: 1.30 ლარი / 1 კგ • 16%-დან 19%-მდე შაქრიანობა: 0.90 ლარი (90 თეთრი) / 1 კგ • 16%-ზე ნაკლები შაქრიანობა: 0.50 ლარი (50 თეთრი) / 1 კგ