მთავარი
BM.GEწყარო
  1. მთავარი
  2. BM.GE
  3. ჩინურმა ნავთობგადამმუშავებელმა ქარხნებმა საწვავის ექსპორტი შეაჩერეს
ჩინურმა ნავთობგადამმუშავებელმა ქარხნებმა საწვავის ექსპორტი შეაჩერეს

ჩინურმა ნავთობგადამმუშავებელმა ქარხნებმა საწვავის ექსპორტი შეაჩერეს

BM.GE2 ოქტომბერი, 2026, 03:23|bm.ge

ჩინურმა ნავთობგადამმუშავებელმა კომპანიებმა ჰონგ-კონგისა და მაკაოს ფარგლებს გარეთ საწვავის ექსპორტი ოფიციალური პეკინის ახალ განკარგულებამდე შეაჩერეს.

არსებული ინფორმაციით, ეს ნაბიჯი ადგილობრივი მარაგების შემცირებამ და ნედლი ნავთობის მიწოდებასთან დაკავშირებულმა რისკებმა განაპირობა. როგორც ირკვევა, ჩინეთის ხელისუფლება ამ გზით მიზნად შიდა ენერგეტიკული ბაზრის დაცვას ისახავს.

Sparta Commodities-ის უფროსი ანალიტიკოსის, ჯუნ გოჰის შეფასებით, ჩინეთის უმთავრესი პრიორიტეტი მუდმივად შიდა ენერგოუსაფრთხოება იყო და არაფერია გასაკვირი იმაში, რომ პეკინმა მსგავსი ნაბიჯი გადადგა.

ხელისუფლების გადაწყვეტილების ფონზე, სახელმწიფო ენერგოგიგანტმა PetroChina-მ ოქტომბრისთვის დაგეგმილი ბენზინისა და საავიაციო ნავთის რამდენიმე პარტიის გადაზიდვა გააუქმა. საყურადღებოა, რომ კომპანიამ ამ კონტრაქტების უმეტესობის შესრულებაზე ვალდებულება სულ რაღაც ორი კვირის პერიოდში აიღო.

მნიშვნელოვანია ითქვას, რომ ჩინეთის ამ გადაწყვეტილებამ გლობალურ ბაზარზე საწვავის დეფიციტის რისკები კიდევ უფრო გაზარდა. აზიურ ბაზარზე დიზელის გადამუშავების მარჟამ ერთ ბარელზე თითქმის $76 შეადგინა. ამ მოლოდინმა ოქტომბერ-ნოემბრის ფასთა სხვაობა ბოლო ორი კვირის მაქსიმუმამდე გაზარდა.

როგორც ცნობილია, საერთაშორისო ბაზარი ახლო აღმოსავლეთში მიმდინარე ომისა და რუსეთის გადასამუშავებელ ინფრასტრუქტურაზე უკრაინის იერიშების გამო მიწოდების სიმცირეს ისედაც განიცდის. პეკინის ეს ნაბიჯი კი კრიზისის გაღრმავების ალბათობას კიდევ უფრო ზრდის.

შეგახსენებთ, პეკინმა საწვავის ექსპორტი პირველად მარტში, ირანის წინააღმდეგ აშშ-ისა და ისრაელის სამხედრო მოქმედებების დაწყებისა და ნედლეულის მიწოდების შეფერხების შემდეგ შეზღუდა, ივლისიდან სექტემბრამდე კი ბარიერები დროებით შეამსუბუქა. ცნობისთვის, ჩინეთი ნავთობის გადასამუშავებელი სიმძლავრეებით მსოფლიოში პირველ ადგილზეა, თუმცა ექსპორტის მაჩვენებლებით აზიაში ინდოეთსა და სამხრეთ კორეას ჩამორჩება.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

საქართველომ მოლუსკების ექსპორტიდან $3 მლნ მიიღო, იმპორტი კი 87%-მდე გაიზარდა - სად ვყიდულობთ და ვყიდით?

საქართველომ მოლუსკების ექსპორტიდან $3 მლნ მიიღო, იმპორტი კი 87%-მდე გაიზარდა - სად ვყიდულობთ და ვყიდით?

BM.GE

მსოფლიოს TOP 10 მედიაკომპანია: ინდუსტრიის გიგანტები

მსოფლიოს TOP 10 მედიაკომპანია: ინდუსტრიის გიგანტები

BM.GE

„ნოვა“ საერთაშორისო საფონდო ბირჟაზე გასასვლელად ემზადება

„ნოვა“ საერთაშორისო საფონდო ბირჟაზე გასასვლელად ემზადება

BM.GE

საჰაერო ტაქსი თბილისში - Bartholet-ი საბურთალოს, ლისთან და დიღომთან დამაკავშირებელ საბაგიროს პროექტზე მუშაობს

საჰაერო ტაქსი თბილისში - Bartholet-ი საბურთალოს, ლისთან და დიღომთან დამაკავშირებელ საბაგიროს პროექტზე მუშაობს

BM.GE