დღეს ლილუაშვილის სასამართლო პროცესი იმართება

დღეს, 15 მაისს, თბილისის საქალაქო სასამართლოში სახელმწიფო უსაფრთხოების სამსახურის (სუს) ყოფილი უფროსის გრიგოლ ლილუაშვილის სასამართლო პროცესი იმართება.

"ინტერპრესნიუსის" ინფორმაციით, დღევანდელ სასამართლო პროცესზე ბრალდების მხარის 2 მოწმე ჰყავს წარმოდგენილი. აღნიშნული მოწმეებიც, ისევე, როგორც გასულ სხდომაზე დაკითხულები, ბაღების ეპიზოდთან დაკავშირებით მისცემენ ჩვენებას.

პროცესი კვლავ დახურულია. ბრალდების მხარის არაერთი მოთხოვნის მიუხედავად, პროკურატურა ლილუაშვილის პროცესების დახურვას ითხოვს.

სუს-ის ყოფილი უფროსი პროკურატურამ გასული წლის დეკემბერში დააკავა. მას ბრალი ედება სისხლის სამართლის კოდექსის 338-ე მუხლის მე-2 ნაწილის ,,გ’’ ქვეპუნქტით და მე-3 ნაწილის ,,ე’’ ქვეპუნქტით, რაც წინასწარი შეთანხმებით ჯგუფის მიერ, განსაკუთრებით დიდი ოდენობით ქრთამის აღებას გულისხმობს და სასჯელის სახით 11-დან 15 წლამდე თავისუფლების აღკვეთას ითვალისწინებს. ლილუაშვილი ბრალს არ აღიარებს.