დიდი ოდენობით ყალბი ფულის გასაღების ფაქტზე უცხო ქვეყნის მოქალაქე დააკავეს
ფინანსთა სამინისტროს საგამოძიებო სამსახურმა დიდი ოდენობით ყალბი ფულის გასაღების ბრალდებით უცხო ქვეყნის მოქალაქე დააკავა. ამის შესახებ ინფორმაციას უწყება ავრცელებს.
გამოძიების ვერსიით, ბრალდებულმა მატერიალური სარგებლის მიღების მიზნით, სამცხე-ჯავახეთის რეგიონში 10 000 აშშ დოლარისა და 350 ევროს ოდენობის ყალბი კუპიურები გაასაღა. სამართალდამცავებმა ჯამში ასი ცალი 100-დოლარიანი ყალბი ბანკნოტი ამოიღეს.
საგამოძიებო უწყების ცნობით, ოპერატიულ-სამძებრო ღონისძიებების შედეგად ყალბი კუპიურები სრულად არის ამოღებული.
საქმეზე გამოძიება საქართველოს სისხლის სამართლის კოდექსის 212-ე მუხლის მეორე ნაწილით მიმდინარეობს, რაც გულისხმობს ყალბი ფულის დამზადებას ან გასაღებას დიდი ოდენობით.
ბრალის დამტკიცების შემთხვევაში, დაკავებულს 7-დან 10 წლამდე ვადით თავისუფლების აღკვეთა ემუქრება.
BM.GE
წყარო: bm.ge