დიდთოვლობისა და ყინვის გამო გზებზე შეზღუდვები დაწესდა – სად არის მოძრაობა აკრძალული?
საავტომობილო გზების დეპარტამენტის ცნობით, უამინდობის გამო ქვეყნის რამდენიმე საავტომობილო მონაკვეთზე მოძრაობის შეზღუდვები დაწესდა.
უხვთოვლობის გამო, შიდასახელმწიფოებრივი მნიშვნელობის გოდერძის უღელტეხილი-ბეშუმის საავტომობილო გზაზე აკრძალულია ყველა სახის ავტოტრანსპორტის გადაადგილება.
გარდა ამისა, თოვისა და დაბალი ტემპერატურის გამო შეზღუდვები მოქმედებს საერთაშორისო მნიშვნელობის მცხეთა–სტეფანწმინდა–ლარსის საავტომობილო გზაზეც. კერძოდ, კმ93-კმ107 (გუდაური (ფოსტა)–კობი) მონაკვეთზე დროებით აკრძალულია მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო მსუბუქი და დანარჩენი სახის ავტოტრანსპორტისთვის გადაადგილება თავისუფალია.
დეპარტამენტის ინფორმაციით, აღნიშნული მაგისტრალის დანარჩენ მონაკვეთებზე საგზაო მოძრაობა შეუფერხებლად მიმდინარეობს.
BM.GE
წყარო: bm.ge