დონალდ ტრამპმა ხელოვნური ინტელექტის საფრთხეებს „თაღლითობა“ უწოდა
აშშ-ის პრეზიდენტმა დონალდ ტრამპმა ხელოვნური ინტელექტის უსაფრთხოებასთან დაკავშირებული შიშები მკაცრად გააკრიტიკა და ახალი რეგულაციების დაწესების მოწოდებებს „თაღლითობა“ უწოდა.
თეთრი სახლის ლიდერმა ტექნოლოგიური სექტორის შეზღუდვის მცდელობები „გლობალური დათბობის აფიორას“ შეადარა. ტრამპის განცხადებით, ინდუსტრიის ერთადერთ დამცავ ზღუდედ მხოლოდ „ძლიერი და ჭკვიანი“ პრეზიდენტი მიიჩნევა.
ამერიკის ლიდერმა აღნიშნა ისიც, რომ ტექნოლოგიური განვითარების შეფერხების შემთხვევაში მხოლოდ ჩინეთი ისარგებლებს. პრეზიდენტის მტკიცებით, გლობალურ დონეზე საბოლოოდ ის გაიმარჯვებს, ვინც ხელოვნური ინტელექტის რბოლაში პირველობას მოიპოვებს. ამერიკას კი არ აქვს უფლება, პეკინს გამარჯვების უფლება მისცეს.
ცნობისთვის, რომ აშშ-ის პრეზიდენტის ეს განცხადებები წამყვანი ტექნოლოგიური კომპანიების ხელმძღვანელთა მკაცრ გაფრთხილებებს მოჰყვა. როგორც ცნობილია, Anthropic-ის აღმასრულებელმა დირექტორმა დარიო ამოდეიმ ტექნოლოგიის განვითარების ტემპის შენელება და პროცესის მკაცრი მონიტორინგი მოითხოვა. ამოდეის ინიციატივას მეტოქე კომპანიების OpenAI-ისა და xAI-ის ხელმძღვანელებმა, სემ ოლტმენმა და ილონ მასკმაც დაუჭირეს მხარი. ამასთან, კომპანია Microsoft-ის ხელოვნური ინტელექტის მიმართულების ხელმძღვანელმა მუსტაფა სულეიმანმა CNBC-სთან საუბარში დაადასტურა, რომ კორპორაციამ ახალი მოდელების შეზღუდვის სახელმძღვანელო პრინციპები უკვე შეიმუშავა.
BM.GE
წყარო: bm.ge