ევროკავშირმა უკრაინას რაკეტებისა და დრონებისთვის €3.3 მილიარდი გამოუყო

ევროკავშირმა უკრაინას რაკეტებისა და უპილოტო საფრენი აპარატების შესაძენად €3.3 მილიარდი ($3.7 მლრდ.) გამოუყო. გადაწყვეტილების შესახებ ინფორმაცია ევროკომისიის პრეზიდენტ ურსულა ფონ დერ ლაიენისა და უკრაინის პრეზიდენტ ვოლოდიმირ ზელენსკის სატელეფონო საუბრის შემდეგ გავრცელდა. საუბრისას ლიდერებმა დეტალურად განიხილეს ის აუცილებელი რეფორმებიც, რომელთა წარმატებით განხორციელებაც უმაღლეს რადას შემდგომი ფინანსური ტრანშების მისაღებად დაევალება.

მნიშვნელოვანია ითქვას, რომ ბრიუსელმა უკრაინისთვის დახმარების პროგრამა გასულ კვირასაც დაამტკიცა. კერძოდ, მხარი დაეჭირა Patriot-ის საჰაერო თავდაცვის სისტემების შეძენას Ukraine Support Loan-ის მექანიზმის ფარგლებში.

აღსანიშნი ფაქტია, რომ ამას გარდა, ევროკომისია SAFE-ის პროგრამის დარჩენილი რესურსით ერთობლივი თავდაცვითი პროექტების დაფინანსების ახალი მექანიზმის ამოქმედებას გეგმავს. კერძოდ, ბრიუსელმა პარტნიორებს Freya-ს ანტისარაკეტო კომპლექსზე დაფუძნებული საჰაერო თავდაცვის სისტემის ერთობლივი განვითარება შესთავაზა. ცნობისთვის, ეს ინიციატივა მიზნად უკრაინის საბრძოლო გამოცდილებისა და ევროპული ტექნოლოგიური შესაძლებლობების გაერთიანებას ისახავს.

ინფორმაციისთვის, ევროკავშირმა მიმდინარე წლის დასაწყისიდან უკრაინის მხარდასაჭერად დაახლოებით €15 მილიარდი ($16.8 მლრდ.) უკვე გამოყო.