FIFA-მ მსოფლიო ჩემპიონატის ფინალის შესვენების შოუზე ჯასტინ ბიბერი სცენაზე მადონასთან, შაკირასა და BTS-თან ერთად გამოვა

FIFA-მ ოფიციალურად დაადასტურა, რომ ჯასტინ ბიბერი 2026 წლის მსოფლიო ჩემპიონატის ფინალის შესვენების შოუს ბოლო თანახელმძღვანელი შემსრულებელი იქნება. მსგავსი მასშტაბის მუსიკალური შოუ მსოფლიო ჩემპიონატის ისტორიაში პირველად გაიმართება.მანამდე უკვე ცნობილი იყო, რომ 2026 წლის 19 ივლისს, ნიუ-ჯერსის MetLife Stadium-ზე გასამართი ფინალის შესვენების დროს სცენაზე მადონა, შაკირა და BTS წარდგებიან.FIFA-ს განცხადებით, შოუ 11 წუთს გაგრძელდება და იქნება „ისტორიული ღონისძიება, რომელიც სპორტს, მუსიკასა და გლობალურ გავლენას გააერთიანებს.“პროგრამის მუსიკალური ხელმძღვანელი Coldplay-ის სოლისტი კრის მარტინია. FIFA-მ ასევე დაადასტურა, რომ შოუში მონაწილეობას მიიღებენ ნიგერიელი მუსიკოსი ბერნა ბოი, ვენესუელელი ცნობილი დირიჟორი გუსტავო დუდამელი, PS22 Chorus, ასევე თავად Coldplay.სპექტაკლის ნაწილი გახდებიან პოპულარული საბავშვო პერსონაჟებიც, Sesame Street-ისა და The Muppets-ის გმირები.FIFA Global Citizen Education Fund ორგანიზაციის ახალი ინიციატივაა, რომლის მიზანია 100 მილიონი დოლარის შეგროვება, რათა მსოფლიოს სხვადასხვა ქვეყანაში ბავშვებს ხარისხიანი განათლებისა და ფეხბურთში ჩართვის მეტი შესაძლებლობა მიეცეთ.