გამოცდებზე ზღვრის ვერგადალახვის ყველაზე მაღალი მაჩვენებელი ფიზიკასა და ბიოლოგიაშია | NAEC-ის სტატისტიკა

2026 წლის ერთიან ეროვნულ გამოცდებზე ზღვრის ვერ გადალახვის ყველაზე მაღალი მაჩვენებელი ფიზიკაშია - 31.69%, შემდეგ მოდის ბიოლოგია - 31.42% და ზოგადი უნარები აზერბაიჯანულ ენაზე - 31.2%.

შესაბამისი სტატისტიკა შეფასებისა და გამოცდების ეროვნულმა ცენტრმა გამოაქვეყნა. ოფიციალური მონაცემებით ირკვევა, რომ ყველაზე დაბალი ვერგადალახვის მაჩვენებელი ლიტერატურასა და გერმანულ ენაშია.

სტატისტიკა:

• ფიზიკა - 31.69% • ბიოლოგია - 31.42% • ზოგადი უნარები (აზერბაიჯანულ ენაზე) - 31.20% • ქიმია - 26.36% • გეოგრაფია - 23.30% • ზოგადი უნარები (სომხურ ენაზე) - 22.45% • მათემატიკა - 17.48% • სამოქალაქო განათლება - 11.66% • სახვითი და გამოყენებითი ხელოვნება - 7.32% • რუსული ენა - 6.07% • ფრანგული ენა - 4.76% • ისტორია - 4.24% • ქართული ენა და ლიტერატურა - 3.23% • ინგლისური ენა - 3.32% • გერმანული ენა - 3.21% • ლიტერატურა - 1.45%

ცნობისთვის

წელს ერთიან ეროვნულ გამოცდებზე 43 000-ზე მეტი აბიტურიენტი დარეგისტრირდა, რაც წინა წლის მაჩვენებელს, დაახლოებით 4 000-ით აღემატება.

2026 წლის საგამოცდო პროცესი 2 ივლისს ერთიანი ეროვნული გამოცდებით დაიწყო. ჯამში 83 000-ზე მეტ აპლიკანტს (აბიტურიენტები, მაგისტრობის მსურველები, მასწავლებლები) საქართველოს 12 ქალაქში გახსნილი 24 საგამოცდო ცენტრი ემსახურებოდა.