გუდაურის ბიზნესასოციაციამ სახელმწიფო აუდიტის სამსახურს სსიპ MTA-ს აუდიტის მოთხოვნით მიმართა

გუდაურის ბიზნესასოციაციამ საქართველოს სახელმწიფო აუდიტის სამსახურს „მთის ტრასების სააგენტოს“ [MTA] საქმიანობის აუდიტის მოთხოვნით მიმართა.

ამის შესახებ BMGTV-ის გადაცემა „წერტილში“ გუდაურის ბიზნესასოციაციის თანადამფუძნებელმა და რესტორან „მთვრალი ალუბალის“ მფლობელმა მირანდა ესაკიამ განაცხადა.

"ჩვენი განცხადება უკვე დარეგისტრირდა სახელმწიფო აუდიტის სამსახურში და ველოდებით, როდის მიიღებენ წარმოებაში. განცხადებაში ჩვენ დავასაბუთეთ, რატომ მივმართეთ [გენერალურ აუდიტორს] და რატომ ვითხოვთ, საქართველოს სახელმწიფო აუდიტის სამსახურმა (MTA) საქმიანობა და გაასაჯაროოს უშუალოდ გუდაურის ფინანსური ბალანსი 2023–2026 წლებისთვის“, - განაცხადა მირანდა ესაკიამ.

"მთის ტრასების სააგენტო" საქართველოს ეკონომიკისა და მდგრადი განვითარების სამინისტროს სსიპ სახელმწიფო ქონების ეროვნული სააგენტოს მიერ დაფუძნებული სსიპ-ია. MTA მართავს სამთო-სათხილამურო არეალებს საქართველოს 4 მთის კურორტზე: გუდაურში, ბაკურიანში, მესტიასა და გოდერძიზე. „მთის ტრასების სააგენტოს“ ამჟამად ირაკლი ბურჭულაძე ხელმძღვანელობს.

მირანდა ესაკია, უკვე წლებია, „მთის ტრასების სააგენტოს“ (MTA) საქმიანობას მკაცრად აკრიტიკებს. ამჟამად, ბიზნესსექტორის უკმაყოფილების მთავარი მიზეზი სსიპ-ის გაუმჭვირვალე ფინანსური მენეჯმენტი, არაეფექტიანი საქმიანობა და 2025-2026 წლების სეზონის ნაადრევი დახურვაა, როცა გუდაურში თოვლია.

"წერტილთან“ ინტერვიუში გუდაურის ბიზნესასოციაციის დამფუძნებელმა მოიშველია უშუალოდ MTA-ს 2024 წლის ფინანსური ანგარიშგება, სადაც მისი თქმით, „შოკის მომგვრელი ფაქტები იკვეთება“.

"ინვენტარიზაციის არარსებობა: „აუდიტორი პირდაპირ წერს, რომ MTA-მ ვერ მოახდინა საკუთარი აქტივების ინვენტარიზაცია. კომპანიამ, რომლის სახელფასო ბიუჯეტი 20 მილიონია, საკუთარი ქონება ვერ დათვალა.“

ბუნდოვანი მოგება: „2023 წლის 93-მილიონიანი „მოგება“ არა ოპერაციული საქმიანობიდან, არამედ გაურკვეველი საბუღალტრო ცვლილებებიდან ან სუბსიდიებიდან მოდის, მაშინ როცა რეალურად კომპანია ზარალიანია.

კურორტების ბალანსი: „ბიზნესი ითხოვს გუდაურის ფინანსური ბალანსის ჩაშლას, რადგან არსებობს ეჭვი, რომ „გუდაურის ხარჯზე ცხოვრობს დანარჩენი კურორტები“, თავად გუდაურს კი ელემენტარული ინფრასტრუქტურა არ აქვს“, - განაცხადა მირანდა ესაკიამ.