ირაკლი კობახიძე თურქეთის რესპუბლიკის ახლად დანიშნულ ელჩს შეხვდა
BM.GE|bm.ge
საქართველოს პრემიერ-მინისტრი ირაკლი კობახიძე თურქეთის რესპუბლიკის ახლად დანიშნულ საგანგებო და სრულუფლებიან ელჩს საქართველოში მუსტაფა თურქერ არის შეხვდა.
მთავრობის ადმინისტრაციის ინფორმაციით, კობახიძემ ელჩს დიპლომატიური მისიის დაწყება მიულოცა და წარმატებები უსურვა.
"შეხვედრისას ხაზი გაესვა საერთო რეგიონულ ინტერესებზე დაფუძნებულ ძლიერ სტრატეგიულ პარტნიორობას ორ ქვეყანას შორის. ყურადღება დაეთმო ეკონომიკური კავშირების გაძლიერების მნიშვნელობას და აღინიშნა, რომ თურქეთი საქართველოს წამყვანი სავაჭრო პარტნიორია.
მხარეებმა განიხილეს შუა დერეფნის განვითარების შესაძლებლობები და ერთობლივი რეგიონული პროექტები. ამ კონტექსტში, ხაზი გაესვა სამხრეთ კავკასიის რეგიონში მშვიდობისა და სტაბილურობის უზრუნველყოფის მნიშვნელობას", - წერია პრესრელიზში.
გაზიარება:
BM.GE
წყარო: bm.ge