კრემლის ცნობით, ტრამპმა პუტინს უკრაინის ომის დასრულების სანაცვლოდ აშშ-რუსეთის ურთიერთობების აღდგენა შესთავაზა
აშშ-ის პრეზიდენტმა, დონალდ ტრამპმა რუს კოლეგას, ვლადიმერ პუტინს უკრაინის ომის დროულად დასრულების სანაცვლოდ ორ ქვეყანას შორის ეკონომიკური და სავაჭრო კავშირების სრულად აღდგენა შესთავაზა. ამის შესახებ ინფორმაციას CNBC ავრცელებს.
როგორც ირკვევა, ლიდერებს შორის სატელეფონო საუბარი ზუსტად ერთ საათს გაგრძელდა და მათ სამშვიდობო მოლაპარაკებების განახლების გზები განიხილეს.
აღსანიშნავია, რომ პრეზიდენტებმა ამერიკელი მომლაპარაკებლების, სტივ უიტკოფისა და ჯარედ კუშნერის მოსკოვსა და კიევში გამართული ვიზიტების შედეგები შეაჯამეს. კრემლის წარმომადგენლის, იური უშაკოვის თქმით, დონალდ ტრამპმა უკრაინაში ომის უმოკლეს ვადაში დასრულების სურვილი გამოთქვა. თავის მხრივ, ვლადიმერ პუტინმა ამერიკელ კოლეგას მიმდინარე სამხედრო მოქმედებების შესახებ ობიექტური ინფორმაცია მიაწოდა.
BM.GE
წყარო: bm.ge