ლარი დოლართან და ევროსთან გამყარდა - გასული კვირის შედეგები

გასული სავაჭრო კვირის განმავლობაში ლარი დოლართან მიმართებით 0.43 თეთრით გამყარდა, რის შედეგადაც გაცვლითმა კურსმა 2.5949 ლარი შეადგინა. ეროვნული ვალუტა ევროსთან 1.18 თეთრით გამყარდა და 1 ევროს ღირებულებამ 2.8998 ლარი შეადგინა. ლარი გირვანქა სტერლინგთან მიმართებით 1.56 თეთრით გამყარდა, რის შედეგადაც კურსმა 3.4746 ლარი შეადგინა.

რაც შეეხება სხვა ვალუტებს, ლარი გამყარდა თურქულ ლირასთან, რუსულ რუბლთან, სომხურ დრამთან, აზერბაიჯანულ მანათთან, უკრაინულ გრივნასთან, ჩინურ იუანთან და იაპონურ იენთან.

ჯერჯერობით ლარის გაცვლით კურსზე მოქმედი მაკროეკონომიკური ფაქტორები, რომლებიც ოქტომბერში არსებულ ვითარებას ასახავენ საქსტატის და ეროვნული ბანკის მიერ გამოქვეყნებული არაა. როგორც საგარეო ვაჭრობის, ასევე ფულადი გზავნილების შესახებ მონაცემები მომდევნო კვირებში გახდება ცნობილი. ამჟამად ცნობილია მხოლოდ საქართველოს სავალუტო რეზერვების განახლებული მოცულობა, რომელიც ოქტომბერში 82.6 მილიონი დოლარით 8.24 მილიარდამდე გაიზარდა.

ვალუტა გაცვლითი კურსი ცვლილება (თეთრი) 1 აშშ დოლარი 2.5949 0.43 1 ევრო 2.8998 1.18 1 დიდი ბრიტანეთის გირვანქა სტერლინგი 3.4746 1.56 1 თურქული ლირა 0.0517 0.03 100 რუსული რუბლი 3.1713 5.94 1000 სომხური დრამი 7.1981 1.19 1 აზერბაიჯანული მანათი 1.5267 0.25 10 უკრაინული გრივნა 0.5723 0.07 10 ჩინური იუანი 3.8898 1.66 100 იაპონური იენი 1.6394 1.27