ლატვიის პრემიერ-მინისტრი გადადგა - რატომ?

ლატვიის მემარჯვენე-ცენტრისტული მთავრობის მეთაური, ევაკა სილინია თანამდებობიდან გადადგა. როგორც ირკვევა, პრემიერ-მინისტრმა გადაწყვეტილება მას შემდეგ მიიღო, რაც მისმა პარტია "ახალმა ერთობამ" საკანონმდებლო ორგანოში უმრავლესობა დაკარგა და სახელისუფლებო კოალიცია დაიშალა. ეს კი მას შემდეგ მოხდა, რაც მემარცხენე "პროგრესისტებმა" მთავრობას მხარდაჭერა შეუწყვიტეს.

მმართველი გუნდის შიგნით დაპირისპირება თავდაცვის მინისტრის, ანდრის სპრუდსის გადაყენებას უკავშირდება. "პროგრესისტების" წევრი მინისტრი სილინიამ გასულ უქმეებზე თანამდებობიდან იმ მოტივით დაითხოვა, რომ სპრუდსიმ რუსეთის ტერიტორიიდან ლატვიის საჰაერო სივრცეში უკრაინული დრონების შეფრენა და განეიტრალება ვერ შეძლო. განმარტებისთვის, მაისის დასაწყისში რუსეთის მიმართულებით უკრაინის მიერ გაშვებული დრონები საბოლოოდ ლატვიის ტერიტორიაზე ჩამოვარდა და ნავთობის საცავები დააზიანა. სილინია მიიჩნევდა, რომ სპრუდსიმ არასაკმარისი ნაბიჯები გადადგა ქვეყნის დრონ-საწინააღმდეგო სისტემების განვითარებისთვის და რომ სწორედ მისი უმოქმედობის შედეგი იყო მომხდარი ინციდენტი.

ქვეყნის პრეზიდენტი ედგარს რინკევიჩსი, რომელსაც კონსტიტუცია ახალი მთავრობის ჩამოყალიბებისთვის მუშაობის დაუყოვნებილ დაწყებას ავალდებულებს, პარლამენტში წარმოდგენილ პოლიტიკურ ძალებთან კონსულტაციებს პარასკევს გამართავს.