მედიკამენტები, რომლებიც FDA-მ 2026 წლის I ნახევარში დაამტკიცა
2026 წელი ფარმაცევტულ სექტორში არაერთი სიახლით გამოირჩევა. FDA-ის მიერ დამტკიცებული პრეპარატები მოიცავს როგორც ინოვაციურ თერაპიებს იშვიათი დაავადებებისთვის, ისე ახალ ალტერნატივებს ისეთი გავრცელებული პრობლემების სამკურნალოდ, როგორიცაა ჭარბი წონა, მაღალი წნევა და სხვადასხვა სახის ინფექციები.
პლატფორმა Drugs.com-ის მონაცემებზე დაყრდნობით, გთავაზობთ 2026 წლის განმავლობაში აშშ-ის სურსათისა და წამლის ადმინისტრაციის (FDA) მიერ დამტკიცებული მნიშვნელოვანი მედიკამენტებისა და მათი მწარმოებელი კომპანიების ჩამონათვალს:
Lumvoa (veligrotug-vvze) საინექციო ხსნარი
კომპანია: Viridian Therapeutics, Inc.დამტკიცების თარიღი: 2026 წლის 26 ივნისიჩვენება: ფარისებრი ჯირკვლის ასოცირებული ოფთალმოპათია
Lumvoa (veligrotug-vvze) წარმოადგენს ინსულინის მსგავსი ზრდის ფაქტორ-1-ის რეცეპტორების ინჰიბიტორს, რომელიც გამოიყენება ფარისებრი ჯირკვლის ასოცირებული ოფთალმოპათიის სამკურნალოდ.
Utebzi (tebipenem pivoxil) ტაბლეტები
კომპანია: GlaxoSmithKlineდამტკიცების თარიღი: 2026 წლის 17 ივნისიჩვენება: შარდგამომყოფი გზების ინფექცია
Utebzi (tebipenem pivoxil) არის ორალური კარბაპენემური ანტიბიოტიკი, რომელიც გამოიყენება შარდგამომყოფი გზების გართულებული ინფექციების სამკურნალოდ.
Ambelvist (gadoquatrane) საინექციო ხსნარი
კომპანია: Bayer HealthCare Pharmaceuticals Inc.დამტკიცების თარიღი: 2026 წლის 12 ივნისიჩვენება: დიაგნოსტიკა და კვლევა
Ambelvist (gadoquatrane) არის გადოლინიუმზე დაფუძნებული კონტრასტული ნივთიერება, რომელიც გამოიყენება კონტრასტული მაგნიტურ-რეზონანსული ტომოგრაფიისას (მრტ) ცენტრალურ ნერვულ სისტემასა და სხეულის სხვა ნაწილებში ანომალიური ვასკულარიზაციის მქონე დაზიანებების გამოსავლენად და ვიზუალიზაციისთვის.
Ranluspec (ranibizumab-hkdz) ინტრავიტრეალური საინექციო ხსნარი
კომპანია: Lupin Limitedდამტკიცების თარიღი: 2026 წლის 2 ივნისი
Ranluspec (ranibizumab-hkdz) წარმოადგენს პრეპარატ Lucentis-ის ურთიერთჩანაცვლებად ბიოსიმილარს, რომელიც გამოიყენება შემდეგი დაავადებების სამკურნალოდ: ნეოვასკულარული ასაკობრივი მაკულარული დეგენერაცია, მაკულარული შეშუპება ბადურის ვენის ოკლუზიის შემდეგ, დიაბეტური მაკულარული შეშუპება, დიაბეტური რეტინოპათია და მიოპიური ქორიოიდული ნეოვასკულარიზაცია.
Xocova (ensitrelvir) ტაბლეტები
კომპანია: Shionogi Inc.დამტკიცების თარიღი: 2026 წლის 29 მაისიჩვენება: COVID-19-ის ექსპოზიციის შემდგომი პროფილაქტიკა
Xocova (ensitrelvir) არის 3CL პროტეაზას ინჰიბიტორი, რომელიც გამოიყენება COVID-19-ის ექსპოზიციის შემდგომი პროფილაქტიკისთვის.
Zaynich (cefepime and zidebactam) საინექციო ფხვნილი
კომპანია: Wockhardtდამტკიცების თარიღი: 2026 წლის 29 მაისიჩვენება: შარდგამომყოფი გზების ინფექცია
Zaynich (cefepime and zidebactam) არის ცეფალოსპორინული ანტიბაქტერიული საშუალების, ბეტა-ლაქტამაზას ინჰიბიტორისა და არაბეტა-ლაქტამური ანტიბაქტერიული კომპონენტის კომბინაცია, რომელიც ნაჩვენებია შარდგამომყოფი გზების გართულებული ინფექციების სამკურნალოდ.
Cavhanza (nilotinib) პირის ღრუში დისპერგირებადი ტაბლეტები
კომპანია: Cycle Pharmaceuticalsდამტკიცების თარიღი: 2026 წლის 29 მაისიჩვენება: ფილადელფიის ქრომოსომა-დადებითი ქრონიკული მიელოიდური ლეიკემია
Cavhanza (nilotinib) არის კინაზას ინჰიბიტორი, რომელიც გამოიყენება ფილადელფიის ქრომოსომა-დადებითი ქრონიკული მიელოიდური ლეიკემიის სამკურნალოდ.
Cypsedo (cipepofol) საინექციო ხსნარი
კომპანია: Haisco Pharmaceutical Groupდამტკიცების თარიღი: 2026 წლის 29 მაისი
Cypsedo (cipepofol) არის ზოგადი საანესთეზიო პრეპარატი, რომელიც განკუთვნილია ზოგადი ანესთეზიის ინდუქციისთვის ქირურგიული ოპერაციის ქვეშ მყოფ ზრდასრულ პაციენტებში.
Decnupaz (pivekimab sunirine-pvzy) ლიოფილიზატი საინექციო ხსნარის მოსამზადებლად
კომპანია: AbbVie Inc.დამტკიცების თარიღი: 2026 წლის 27 მაისიჩვენება: ბლასტური პლაზმოციტოიდური დენდრიტული უჯრედების ნეოპლაზია
Decnupaz (pivekimab sunirine-pvzy) არის CD123-მიმართული ანტისხეულისა და მაალკილირებელი აგენტის კონიუგატი, რომელიც ნაჩვენებია ბლასტური პლაზმოციტოიდური დენდრიტული უჯრედების ნეოპლაზიის მქონე ზრდასრული პაციენტების სამკურნალოდ.
Hepcludex (bulevirtide-gmod) ლიოფილიზირებული ფხვნილი საინექციო ხსნარის მოსამზადებლად
კომპანია: Gilead Sciences, Inc.დამტკიცების თარიღი: 2026 წლის 22 მაისიჩვენება: ჰეპატიტი დელტა
Hepcludex (bulevirtide-gmod) წარმოადგენს ვირიონის უჯრედში შეღწევის ახალ ინჰიბიტორს ქრონიკული ჰეპატიტი დელტა (HDV) ვირუსით ინფიცირებული ზრდასრული პაციენტების სამკურნალოდ.
Differin Epiduo Acne Gel (adapalene and benzoyl peroxide) ადგილობრივი გამოყენების გელი
კომპანია: Galderma Laboratories, L.P.დამტკიცების თარიღი: 2026 წლის 22 მაისიჩვენება: აკნე
Differin Epiduo Acne Gel (adapalene and benzoyl peroxide) არის რეტინოიდისა და მჟანგავი აგენტის კომბინაცია აკნეს ადგილობრივი მკურნალობისთვის.
Baxfendy (baxdrostat) ტაბლეტები
კომპანია: AstraZenecaდამტკიცების თარიღი: 2026 წლის 15 მაისიჩვენება: მაღალი არტერიული წნევა
Baxfendy (baxdrostat) არის თავის კლასში პირველი, მაღალსელექციური ალდოსტერონსინთაზას ინჰიბიტორი (ASI), რომელიც გამოიყენება არტერიული ჰიპერტენზიის სამკურნალოდ.
Immgolis (golimumab-sldi) საინექციო ხსნარი
კომპანია: Accord BioPharma, Inc.დამტკიცების თარიღი: 2026 წლის 15 მაისიჩვენება: რევმატოიდული ართრიტი, წყლულოვანი კოლიტი
Immgolis (golimumab-sldi) არის სიმსივნის ნეკროზის ფაქტორის (TNF) ბლოკატორი, რომელიც წარმოადგენს პრეპარატ Simponi-ს ურთიერთჩანაცვლებად ბიოსიმილარს რევმატოიდული ართრიტისა და წყლულოვანი კოლიტის სამკურნალოდ.
Immgolis Intri (golimumab-sldi) საინექციო ხსნარი
კომპანია: Accord BioPharma, Inc.დამტკიცების თარიღი: 2026 წლის 15 მაისიჩვენება: რევმატოიდული ართრიტი
Immgolis Intri (golimumab-sldi) არის სიმსივნის ნეკროზის ფაქტორის (TNF) ბლოკატორი, რომელიც წარმოადგენს პრეპარატ Simponi Aria-ს ურთიერთჩანაცვლებად ბიოსიმილარს რევმატოიდული ართრიტის სამკურნალოდ.
Trimbow (beclomethasone dipropionate, formoterol fumarate and glycopyrrolate) საინჰალაციო აეროზოლი
კომპანია: Chiesi USA, Inc.დამტკიცების თარიღი: 2026 წლის 14 მაისიჩვენება: ასთმა, შემანარჩუნებელი თერაპია
Trimbow (beclomethasone dipropionate, formoterol fumarate and glycopyrrolate) არის საინჰალაციო კორტიკოსტეროიდის, ხანგრძლივი მოქმედების ბეტა2-ადრენორეცეპტორების აგონისტისა და ანტიქოლინერგული საშუალების კომბინაცია ასთმის სამკურნალოდ.
Beqalzi (sonrotoclax) ტაბლეტები
კომპანია: BeOne Medicines Ltd.დამტკიცების თარიღი: 2026 წლის 13 მაისიჩვენება: მანტიურუჯრედოვანი ლიმფომა
Beqalzi (sonrotoclax) არის BCL-2-ის ინჰიბიტორი, რომელიც გამოიყენება რეციდივული ან რეფრაქტერული მანტიურუჯრედოვანი ლიმფომის მქონე ზრდასრული პაციენტების სამკურნალოდ.
Ennumo (pegfilgrastim-pccg) საინექციო ხსნარი
კომპანია: Accord BioPharma Inc.დამტკიცების თარიღი: 2026 წლის 7 მაისიჩვენება: ქიმიოთერაპიასთან ასოცირებული ნეიტროპენია, მწვავე რადიაციული სინდრომის ჰემატოპოეტური სინდრომი
Ennumo (pegfilgrastim-pccg) არის ლეიკოციტების ზრდის ფაქტორის ბიოსიმილარი (პრეპარატ Neulasta-ს ანალოგი), რომელიც გამოიყენება ფებრილური ნეიტროპენიის სიხშირის შესამცირებლად ქიმიოთერაპიაზე მყოფ პაციენტებში და გადარჩენადობის გასაზრდელად იმ პირებში, რომლებიც იმყოფებოდნენ მიელოსუპრესიული დოზებით დასხივების ქვეშ.
Veppanu (vepdegestrant) ტაბლეტები
კომპანია: Arvinas, Inc.დამტკიცების თარიღი: 2026 წლის 1 მაისიჩვენება: ძუძუს კიბო
Veppanu (vepdegestrant) არის ჰეტერობიფუნქციური ცილის დეგრადერი, რომელიც გამოიყენება ესტროგენის რეცეპტორ (ER)-დადებითი, ადამიანის ეპიდერმული ზრდის ფაქტორის რეცეპტორ 2 (HER2)-უარყოფითი, ესტროგენის რეცეპტორ 1 (ESR1)-მუტირებული შორსწასული ან მეტასტაზური ძუძუს კიბოს სამკურნალოდ.
Langlara (insulin glargine-aldy) საინექციო ხსნარი
კომპანია: Lannett Company, Inc.დამტკიცების თარიღი: 2026 წლის 29 აპრილიჩვენება: დიაბეტი (ტიპი 1 და ტიპი 2)
Langlara (insulin glargine-aldy) არის ხანგრძლივი მოქმედების ადამიანის ინსულინის ანალოგი, რომელიც წარმოადგენს პრეპარატ Lantus-ის ურთიერთჩანაცვლებად ბიოსიმილარს შაქრიანი დიაბეტის სამკურნალოდ.
Otarmeni (lunsotogene parvec-cwha) სუსპენზია შიდაყურის ინფუზიისთვის
კომპანია: Regeneron Pharmaceuticals, Inc.დამტკიცების თარიღი: 2026 წლის 23 აპრილიჩვენება: სმენის დაქვეითება
Otarmeni (lunsotogene parvec-cwha) არის ადენო-ასოცირებულ ვირუსულ ვექტორზე დაფუძნებული გენური თერაპია გენეტიკური, OTOF გენით გამოწვეული სმენის დაქვეითების სამკურნალოდ.
BM.GE
წყარო: bm.ge