მეზობელ ქვეყნებს, რომლებიც აშშ-ის სანქციებს ასრულებენ ირანი აეროპორტების პარალიზებით ემუქრება

აშშ-ის საავიაციო სანქციების შემდეგ ირანი მეზობელ ქვეყნებს ემუქრება.

"თუ მეზობელი ქვეყნები შეერთებულ შტატებთან ირანული ავიაკომპანიებისთვის ფრენების აკრძალვის მიმართულებით ითანამშრომლებენ, ირანი უზრუნველყოფს იმას, რომ მათმა აეროპორტებმა ფუნქციონირება ვერ შეძლონ“, - განაცხადა ირანის ეროვნული უშიშროების უმაღლესი საბჭოს მდივანმა, მოჰსენ რეზაიმ სახელმწიფო ტელევიზიასთან ინტერვიუში.

21 სექტემბერს აშშ-ის ფინანსთა მინისტრმა სკოტ ბესენტმა განაცხადა, რომ 23 სექტემბრიდან ყველა ირანული ავიაკომპანიის ფრენა გაჩერდებოდა მთელ მსოფლიოში, წინააღმდეგ შემთხვევაში მეორადი სანქციების საფრთხე შეიქმნება.

გუშინ ცნობილი გახდა, რომ ირანული ავიაკომპანიების ფრენების აზერბაიჯანიდანაც შეიზღუდა. სანქციების გამო ირანულ ავიაკომპანიებს საქართველოდან ფრენები 21 სექტემბრიდან უკვე შეეზღუდათ. ირანული კომპანიების სანქცირებაზე აშშ-ის ფინანსთა სამინისტროს უცხოური აქტივების კონტროლის ოფისმა (OFAC) 8 სექტემბერს გაავრცელა ინფორმაცია. აშშ-ის ფინანსთა სამინისტროს განცხადებით, ირანის ხელისუფლება საავიაციო სექტორს იარაღისა და უკანონო ტვირთების გადასაზიდად იყენებს.

აშშ-ის მიერ სანქცირებული ირანული ავიაკომპანიებია:

• Air Shiraz • Asa Jet Airline • Ata Airlines Company • Atlas Aviation Group • Ava Airlines • Chabahar Airlines Company • Erwan Airline Company • Fly Kish Airlines • Fly Persia Airlines • Iran Air Tour • Iran Aseman Airlines • Jsky Airlines • Kish Airlines • Karun Airlines Company • Lad Airways • Mehr Airways • Nasim Air • Pars Oghyanous Kish Company • Qeshm Air • Raimon Airways • Saha Airlines • Sepehran Airlines • Soroush Air • Taban Airlines • Toos Airlines • Varesh Airlines • Zagros Airlines