"მხარს ვუჭერთ ქართველ ხალხს თვითგამორკვევისა და დამოუკიდებლობისკენ სწრაფვაში" - დონალდ ტრამპი
აშშ-ის პრეზიდენტმა დონალდ ტრამპმა მიხეილ ყაველაშვილს საქართველოს დამოუკიდებლობის დღის მისალოცი წერილი გაუგზავნა. როგორც ამის შესახებ პრეზიდენტის ადმინისტრაცია იტყობინება, მილოცვის შესაბამის დოკუმენტს ქართულ მხარეს აშშ-ის ელჩის მოვალეობის შემსრულებელი ალან პერსელი უზიარებს.
"ძვირფასო ბატონო პრეზიდენტო!
ამერიკის შეერთებული შტატების სახელით, ქართველ ხალხს ვულოცავ ეროვნულ დღესასწაულს.
ეს წელი ახალ შესაძლებლობებს იძლევა ამერიკელ და ქართველ ხალხს შორის მეგობრული კავშირების განსაახლებლად და ჩვენი ქვეყნების უსაფრთხოებისა და კეთილდღეობის ხელშეწყობისთვის. შეერთებული შტატები კვლავაც განუხრელად უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში.
ჩვენ მხარს ვუჭერთ ქართველ ხალხს მდგრადი უსაფრთხოების, თვითგამორკვევისა და დამოუკიდებლობისკენ სწრაფვაში", - აღნიშნულია დონალდ ტრამპის წერილში.
ქართველი ხალხისთვის დამოუკიდებლობის დღის მისალოცი წერილი გაავრცელა მარკო რუბიომაც.
BM.GE
წყარო: bm.ge