მომსახურების სააგენტო ეროვნული და სამაგისტრო გამოცდების მონაწილეებისთვის შეღავათს აწესებს - დეტალები
BM.GE|bm.ge
მომსახურების სააგენტო მძღოლობის იმ კანდიდატებისთვის, რომლებიც ერთიან ეროვნულ, საგრანტო ან საერთო სამაგისტრო გამოცდებს აბარებენ, სპეციალურ შეღავათს აწესებს.
უწყების თანახმად, იმ შემთხვევაში, თუ მართვის უფლების მისაღები პრაქტიკული გამოცდის მეორე ეტაპის [ქალაქის გამოცდის] თარიღი ემთხვევა საგამოცდო თარიღს, კანდიდატს შესაძლებლობა აქვს, საგამოცდო დრო შეცვალოს.
ამისათვის მძღოლობის კანდიდატმა ელექტრონული ფოსტის მისამართზე - sagency@sa.gov.ge უნდა გაგზავნოს საგამოცდო ბარათი და საიდენტიფიკაციო დოკუმენტი. წარდგენილი ინფორმაციის საფუძველზე, მას გამოცდის ახალი დრო განესაზღვრება.
გაზიარება:
BM
BM.GE
წყარო: bm.ge