მცენარეული ცხიმი რძის პროდუქტებში - რა იცვლება ეტიკეტირების წესში და რატომ არის აზრთა სხვადასხვაობა სექტორში

რძის პროდუქტების სექტორი ცვლილებების მოლოდინშია. პროდუქცია, სპეციალური პიქტოგრამით, რომელმაც მომხმარებელს უნდა აცნობს რომ ეს პროდუქტი მცენარეული ცხიმებით არის დამზადებული, ბაზარზე 2027 წლის იანვრიდან გამოჩნდება.

პიქტოგრამა კი, ეტიკეტზე, ყველაზე ხილვად ადგილას უნდა განთავსდეს. საკითხი რძის მწარმოებლებში აზრთა სხვადასხვაობას იწვევს, ნაწილი ფიქრობს, რომ „არარძისმიერი“ თავისთავად არ ნიშნავს მავნეს და ცუდს და ეს მომხმარებელს ინფორმირებული არჩევანის გაკეთებაში დაეხმარება, მეორე ნაწილი კი თვლის, რომ ნედლი რძის გარეშე და არარძისმიერი ცხიმით დამზადებული პროდუქტები ჯანმრთელობისთვის სახიფათოც კი შეიძლება იყოს:

"ზოგიერთი გაურკვეველი ცხიმებისგან დამზადებული პროდუქციაა, რომელსაც მომხმარებელი შეჰყავს შეცდომაში, უმეტესი დაავადებები კი ზუსტად კვებისგან მოდის, ეს ყველამ კარგად ვიცით" - აცხადებს bm.ge-სთან საუბარში კომპანია "შირაქის" დამფუძნებელი, ნიკოლოზ ბენიაიძე.

რძის მწარმოებელთა ასოციაციის ხელმძღვანელი კი ფიქრობს, რომ "არარძისმიერი" უსარგებლოს და ცუდს თავისთავად არ ნიშნავს და სპეციალურმა პიქტოგრამამ მომხმარებელი შეცდომაში რ უნდა შეიყვანოს.