"მულტივექტორულობა საყრდენის გარეშე დარჩენას ნიშნავს" - ვის ემსახურება "ოცნების" პოლიტიკა?|მოსაზრება

"შუა დერეფნის გეოპოლიტიკური წონა მართლაც გაიზარდა. მაგრამ საქართველოსთვის ეს სტრატეგიული შესაძლებლობაა და არა გარანტირებული მოცემულობა",- ამის შესახებ გერმანიაში საქართველოს ყოფილი ელჩი, ეკონომისტი ელგუჯა ხოკრიშვილი სოციალურ ქსელში წერს.

როგორც ის აღნიშნავს, ევროკავშირში გაწევრიანება ერთადერთი ჩარჩოა, რომელშიც საქართველოს ერთდროულად შეუძლია მიიღოს ინვესტიციების ნდობა, ინსტიტუციური საყრდენი და გრძელვადიანი უსაფრთხოება, ბიძინა ივანიშვილს კი ქვეყანა ამ ჩარჩოდან გაჰყავს.

აღსანიშნავია, რომ საქართველოს ვიცე-პრემიერმა, საგარეო საქმეთა მინისტრმა მაკა ბოჭორიშვილმა დუბროვნიკის ფორუმის ფარგლებში მათ შორის მულტივექტორული დიპლომატიის მნიშვნელობაზე ისაუბრა: "დღეს საქართველო სწორედ ის ქვეყანაა, რომელიც თავის ისტორიით, გამოწვევებით, შესაძლებლობებით და პოლიტიკით ერთ-ერთი საუკეთესო მაგალითია პრაქტიკაში ვისაუბროთ მულტივექტორული დიპლომატიის მნიშვნელობაზე",- განაცხადა მან.

როგორც ელგუჯა ხოკრიშვილი საგარეო პოლიტიკის შეფასებისას აღნიშნავს, ქვეყნისთვის „მულტივექტორულობა" საყრდენის გარეშე დარჩენაა.

ის ამ კონტექსტში ახსენებს ევროკავშირის დაკავშირებადობის დღის წესრიგის პლატფორმასაც, რომლის პრეზენტაციასაც ბრიუსელში საქართველო არ დასწრებია.

ყოფილი ელჩის შეფასებით, მმართველი პარტიის პოლიტიკა ბიძინა ივანიშვილს ემსახურება, მისი პირადი რისკების დაზღვევა კი სახელმწიფოს საგარეო პოლიტიკად იქცა.

"შუა დერეფნის გეოპოლიტიკური წონა მართლაც გაიზარდა. მაგრამ საქართველოსთვის ეს სტრატეგიული შესაძლებლობაა და არა გარანტირებული მოცემულობა.

სწორედ ამ შესაძლებლობით ვაჭრობს „ოცნება" საკუთარი ავტორიტარულ-ოლიგარქიული მმართველობის შესანარჩუნებლად.

ცენტრალური აზიის როლი.