
ნავთობის ფასი ბოლო სამი თვის მინიმუმამდე დაეცა
ნავთობის მსოფლიო ფასები ბოლო თითქმის სამი თვის მინიმალურ ნიშნულამდე შემცირდა და ზედიზედ მესამე კვირაა კლების ტენდენციას ინარჩუნებს.
ბოლო მონაცემებით, ამერიკული ნედლი ნავთობის (WTI) ფასი ბარელზე დაახლოებით 82-83 დოლარის ფარგლებში მერყეობს (21 ნოემბრის მდგომარეობით - 83.41 დოლარი), ხოლო საერთაშორისო ეტალონური Brent-ის მარკის ნავთობის ღირებულება 92.57 დოლარს შეადგენს.
მიუხედავად იმისა, რომ წლიურ ჭრილში ნავთობი კვლავ გაძვირებულია (WTI - 43.6%-ით, ხოლო Brent-ი - თითქმის 48%-ით), ბოლო ერთ თვეში ორივე მარკის ფასი მკვეთრად, დაახლოებით 14-15%-ით შემცირდა.
ფასების კლება პირდაპირ უკავშირდება მიწოდების აღდგენასა და გაზრდას. აშშ-ის ენერგეტიკის მინისტრმა კრის რაიტმა განაცხადა, რომ ჰორმუზის სრუტის გავლით ნავთობის ნაკადებმა რეკორდულ მაჩვენებელს მიაღწია, რადგან ახლო აღმოსავლეთიდან საწვავის მიწოდება სტაბილურად უბრუნდება ძველ ნიშნულს.
BM.GE
წყარო: bm.ge