მთავარი
BM.GEწყარო
  1. მთავარი
  2. BM.GE
  3. Nvidia-ს შემოსავალმა მიმდინარე კვარტალში $115.8 მილიარდს მიაღწია - კომპანიამ ინვესტორების მოლოდინებს გადააჭარბა
Nvidia-ს შემოსავალმა მიმდინარე კვარტალში $115.8 მილიარდს მიაღწია - კომპანიამ ინვესტორების მოლოდინებს გადააჭარბა

Nvidia-ს შემოსავალმა მიმდინარე კვარტალში $115.8 მილიარდს მიაღწია - კომპანიამ ინვესტორების მოლოდინებს გადააჭარბა

BM.GE18 ნოემბერი, 2026, 17:09|bm.ge

კომპანიაში მიმდინარე სკანდალისა და ყოფილი აღმასრულებელი დირექტორის ჯენსენ ჰუანგის გადადგომის ფონზე, Nvidia-მ რეკორდული კვარტალური შემოსავალი - $115.8 მილიარდი მიიღო, რაც წლიურ ჭრილში ორჯერ გაზრდილი მაჩვენებელია და FactSet-ის ანალიტიკოსების პროგნოზს ($108.9 მილიარდი) 6.3%-ით აღემატება.

აღსანიშნავია, რომ ამავე პერიოდში ჩიპების მწარმოებლის წმინდა მოგება $65.3 მილიარდამდე გაიზარდა და უოლ-სტრიტის მოლოდინს ასევე გადააჭარბა. განსაკუთრებით საყურადღებოა, რომ Nvidia-ს უმნიშვნელოვანეს, მონაცემთა ცენტრების სეგმენტში გაყიდვები წლიურ ჭრილში 110%-ით გაიზარდა და $107.6 მილიარდს მიაღწია.

რაც შეეხება სამომავლო მოლოდინებს, მომდევნო კვარტალში Nvidia $130 მილიარდის შემოსავალს პროგნოზირებს, რაც უოლ-სტრიტის შეფასებებს დაახლოებით 4%-ით აღემატება.

აღმასრულებელი დირექტორის მოვალეობის შემსრულებლის, კოლეტ კრესის განცხადებით, კომპანიის ზრდის ტემპი რეალურია, ხოლო პროდუქტების განვითარების გეგმა დადგენილი გრაფიკით მიმდინარეობს. მან ასევე აღნიშნა, რომ Nvidia ტექნოლოგიურ ლიდერად რჩება.

თუმცა ინვესტორების მთავარი კითხვები კვლავ კომპანიის მომავალსა და მმართველობით კრიზისს უკავშირდება. როგორც ცნობილია, ჯენსენ ჰუანგმა თანამდებობა ხუთშაბათს მას შემდეგ დატოვა, რაც ერთ-ერთ თანამშრომელთან და სინგაპურული კომპანია Megaspeed-ის ყოფილ ხელმძღვანელთან, ელის ჰუანგთან მისი ურთიერთობები გასაჯაროვდა.

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

ხარისხის სრული ციკლის ერთი უწყების მიერ კონტროლი მომხმარებელთა ინტერესების დაცვას გააუმჯობესებს - ლევან მეხუზლა

ხარისხის სრული ციკლის ერთი უწყების მიერ კონტროლი მომხმარებელთა ინტერესების დაცვას გააუმჯობესებს - ლევან მეხუზლა

BM.GE

რუსეთი, აშშ... - საქართველოდან საწებლების ექსპორტი $3.2 მლნ-მდე გაიზარდა

რუსეთი, აშშ... - საქართველოდან საწებლების ექსპორტი $3.2 მლნ-მდე გაიზარდა

BM.GE

საქართველოს ავტოპარკმა 2.1 მილიონს გადააჭარბა და გაახალგაზრდავდა | TBC Capital-ის მიგნებები

საქართველოს ავტოპარკმა 2.1 მილიონს გადააჭარბა და გაახალგაზრდავდა | TBC Capital-ის მიგნებები

BM.GE

გლობალურ ბირჟებზე ბოლო სავაჭრო სესიის შედეგები

გლობალურ ბირჟებზე ბოლო სავაჭრო სესიის შედეგები

BM.GE